سیدنا عبداللہ بن مسعود رضی اللہ عنہ سے روایت ہے کہ ہم بدر کے دن ایک اونٹ پر تین تین افراد باری باری سوار ہوتے تھے، سیدنا علی رضی اللہ عنہ اور سیدنا ابولبابہ رضی اللہ عنہ رسول اللہ صلی اللہ علیہ وسلم کے ہم سفر (ایک ہی اونٹ پر باری لینے والے) تھے، جب رسول اللہ صلی اللہ علیہ وسلم کے پیدل چلنے کی باری آتی تو وہ دونوں عرض کرتے: آپ صلی اللہ علیہ وسلم سوار رہیں اور ہم آپ کی جگہ پیدل چلیں گے، تو آپ صلی اللہ علیہ وسلم فرماتے: ”نہ تو میں اجر و ثواب حاصل کرنے میں تم دونوں سے بے نیاز ہوں اور نہ ہی تم دونوں پیدل چلنے میں مجھ سے زیادہ طاقتور ہو۔“
یہ حدیث صحیح الاسناد ہے لیکن شیخین نے اسے روایت نہیں کیا۔ [المستدرك على الصحيحين/كتاب : الجهاد/حدیث: 2484]