٭٭ سیدنا جابر بن عبداللہ رضی اللہ عنہ فرماتے ہیں: ” الصِّرَاطَ الْمُسْتَقِیْمَ “ (الفاتحۃ:) (سے مراد) اسلام ہے۔ اور اس کی وسعت زمین و آسمان کی درمیانی مسافت سے بھی زیادہ ہے۔ ٭٭ یہ حدیث صحیح الاسناد ہے لیکن امام بخاری رحمۃ اللہ علیہ اور امام مسلم رحمۃ اللہ علیہ نے اسے نقل نہیں کیا۔ [المستدرك على الصحيحين/كِتَابُ التَّفْسِيرِ/حدیث: 3061]

سیدنا ابن عباس رضی اللہ عنہما اللہ تعالیٰ کے ارشاد ” الصِّرَاطَ الْمُسْتَقِیْمَ “ (الفاتحۃ: 1) کے متعلق فرماتے ہیں (اس سے مراد) رسول اللہ صلی اللہ علیہ وسلم اور آپ کے دو ساتھی ہیں۔ راوی کہتے ہیں: ہم نے یہ بات حسن سے ذکر کی تو انہوں نے قسم کھا کر کہا کہ (اس سے مراد) رسول اللہ صلی اللہ علیہ وسلم اور سیدنا ابوبکر رضی اللہ عنہ اور سیدنا عمر رضی اللہ عنہ ہیں۔ ٭٭ یہ حدیث صحیح الاسناد ہے لیکن امام بخاری رحمۃ اللہ علیہ اور امام مسلم رحمۃ اللہ علیہ نے اسے نقل نہیں کیا۔ [المستدرك على الصحيحين/كِتَابُ التَّفْسِيرِ/حدیث: 3062]