سیدنا عبداللہ بن عباس رضی اللہ عنہما، اللہ تعالیٰ کے ارشاد: یَعْلَمُ السِّرَّ وَ اَخْفٰی (طٰہٰ: 7) ” وہ تو بھید کو جانتا ہے اور اسے جو اس سے بھی زیادہ چھپا ہے “۔ کے متعلق فرماتے ہیں:” سر “ تو وہ چیز ہے جس کو تو جانتا ہے اور ” اخفی “ وہ چیز ہے جو اللہ تعالیٰ تیرے دل میں ڈال دیتا ہے جس کی خود تجھے بھی خبر نہیں ہوتی۔ ٭٭ یہ حدیث صحیح الاسناد ہے لیکن امام بخاری رحمۃ اللہ علیہ اور امام مسلم رحمۃ اللہ علیہ نے اسے نقل نہیں کیا۔ [المستدرك على الصحيحين/كِتَابُ التَّفْسِيرِ/حدیث: 3471]