مذکورہ سند کے ہمراہ سیدنا علی رضی اللہ عنہ سے مروی ہے کہ یہ آیت: ہٰذاٰنِ خَصْمٰانِ اخْتَصَمُوْا فِیْ رَبِّھِمْ (الحج: 19) ” یہ دو فریق ہیں کہ اپنے رب میں جھگڑے “۔ ان لوگوں کے متعلق نازل ہوئی جو جنگ بدر میں لڑے یعنی سیدنا حمزہ بن عبدالمطلب رضی اللہ عنہ، سیدنا علی بن ابی طالب رضی اللہ عنہ اور سیدنا عبیدہ بن حارث رضی اللہ عنہ اور عتبہ بن ربیعہ اور شیبہ بن ربیعہ اور ولید بن عتبہ۔ سیدنا علی رضی اللہ عنہ فرماتے ہیں: قیامت کے دن سب سے پہلے اللہ تعالیٰ کی بارگاہ میں خصومت کے لیے میں اپنے گھٹنوں کے بل کھڑا ہوں گا۔ ٭٭ جیسے یہ حدیث تمام روایات کے ہمراہ سیدنا ابوذر غفاری رضی اللہ عنہ کے حوالے سے صحیح ہیں اسی طرح سیدنا علی رضی اللہ عنہ کے حوالے سے بھی صحیح ہیں۔ تاہم امام بخاری رضی اللہ عنہ اور امام مسلم رضی اللہ عنہ نے اس حدیث کو نقل نہیں کیا۔ [المستدرك على الصحيحين/كِتَابُ التَّفْسِيرِ/حدیث: 3497]