سیدہ عائشہ رضی اللہ عنہا سے روایت ہے کہ انہوں نے عرض کیا: اے اللہ کے رسول! عبداللہ بن جدعان (زمانۂ جاہلیت میں) مہمان نوازی کرتا تھا، صلہ رحمی کرتا تھا اور بہت سے نیک کام کرتا تھا، کیا اسے (آخرت میں) ان کاموں کا کوئی فائدہ ہوگا؟ آپ صلی اللہ علیہ وسلم نے فرمایا: ”نہیں، اس لیے کہ اس نے کبھی ایک دن بھی یہ نہیں کہا تھا: «رَبِّ اغْفِرْ لِي خَطِيئَتِي يَوْمَ الدِّينِ» ”اے میرے رب! بدلے کے دن (قیامت) میری خطا معاف فرما دینا۔““
یہ حدیث صحیح الاسناد ہے لیکن شیخین نے اسے روایت نہیں کیا۔ [المستدرك على الصحيحين/كِتَابُ التَّفْسِيرِ/حدیث: 3566]