سیدنا نافع بن ازرق، سیدنا عبداللہ بن عباس رضی اللہ عنہما کے پاس آئے اور کہا: قرآن میں پانچ نمازوں کا ذکر ہے؟ آپ نے فرمایا: جی ہاں۔ پھر آپ نے پڑھا: فَسُبْحٰنَ اللّٰہِ حِیْنَ تُمْسُوْنَ (الروم: 17) ” اور فرمایا: یہ نماز مغرب کا ذکر ہے۔ پھر پڑھا: وَ حِیْنَ تُصْبِحُوْنَ (الروم: 17) اور فرمایا: یہ نماز فجر کا ذکر ہے۔ پھر پڑھا: وَ عَشِیًّا (الروم: 18) اور فرمایا یہ نماز عصر ہے۔ پھر پڑھا: وَّ حِیْنَ تُظْھِرُوْنَ (الروم: 18) اور فرمایا: یہ نماز ظہر ہے۔ اور پھر پڑھا: وَ مِنْ بَعْدِ صَلٰوۃِ الْعِشَآء (النور: 58) اور فرمایا: یہ نماز عشاء ہے۔ ثَلٰثُ عَوْرٰتٍ لَّکُمْ (النور: 58) ” یہ تین وقت تمہاری شرم کے ہیں “۔ ٭٭ یہ حدیث صحیح الاسناد ہے لیکن امام بخاری رحمۃ اللہ علیہ اور امام مسلم رحمۃ اللہ علیہ نے اسے نقل نہیں کیا۔ [المستدرك على الصحيحين/كِتَابُ التَّفْسِيرِ/حدیث: 3583]