سیدنا عبید بن مغیرہ رضی اللہ عنہ بیان کرتے ہیں: سیدنا حذیفہ رضی اللہ عنہ نے اس آیت کی تلاوت کی: فَاعْلَمْ اَنَّہٗ لَآ اِٰلہَ اِلَّا اللّٰہُ وَ اسْتَغْفِرْ لِذَنْبِکَ (محمد: 19) ” تو جان لو کہ اللہ کے سوا کسی کی بندگی نہیں تو اپنے گناہ کی معافی مانگو۔“ اور بولے: میں اپنی بیوی پر بہت زبان درازی کیا کرتا تھا، میں نے عرض کی: یا رسول اللہ صلی اللہ علیہ وسلم ! میں اس بات سے گھبراتا ہوں کہ کہیں میری زبان مجھے جہنم میں نہ لے جائے۔ نبی اکرم صلی اللہ علیہ وسلم نے فرمایا: تو استغفار کیوں نہیں کرتا؟ میں ایک دن میں 100 مرتبہ استغفار کرتا ہوں۔ ٭٭ یہ حدیث صحیح الاسناد ہے لیکن امام بخاری رحمۃ اللہ علیہ اور امام مسلم رحمۃ اللہ علیہ نے اسے ان الفاظ کے ہمراہ نقل نہیں کیا۔ [المستدرك على الصحيحين/كِتَابُ التَّفْسِيرِ/حدیث: 3748]