سیدنا وہب بن منبہ رضی اللہ عنہ فرماتے ہیں: جب سیدنا سارہ کا انتقال ہو گیا تو سیدنا ابراہیم علیہ السلام نے ایک حجورا نامی خاتون سے نکاح فرمایا۔ اس سے سات بچے پیدا ہوئے: (1) بافس (2) مدین (3) کیسان (4) لوط (5) سرخ (6) امیم اور (7) نعشان۔ اور اس کتاب میں سیدنا وہب رضی اللہ عنہ نے یہ بھی ذکر کیا ہے کہ مدین سیدنا ابراہیم علیہ السلام کے درجات میں سے ہے اور لوط بھی ان میں سے ایک ہے۔ [المستدرك على الصحيحين/كِتَابُ: تَوَارِيخِ الْمُتَقَدِّمِينَ مِنَ الْأَنْبِيَاءِ وَالْمُرْسَلِينَ/حدیث: 4095]

سیدنا عبداللہ بن عباس رضی اللہ عنہما فرماتے ہیں: سیدنا لوط علیہ السلام سیدنا ابراہیم خلیل اللہ علیٰ نبینا وعلیہ الصلوٰۃ والسلام کے بھتیجے تھے۔ یہ اسناد صحیح ہے اور اسماعیل بن عبدالکریم کی عبدالصمد بن مغفل سے روایت کردہ کتاب میں یہ ہے کہ وہب بن منبہ رضی اللہ عنہ کہتے ہیں: سیدنا ابراہیم علیہ السلام اپنی زوجہ سیدنا سارہ رضی اللہ عنہا کو اپنے ہمراہ لے کر ملک شام کی طرف روانہ ہوئے تو اس وقت سیدنا سارہ رضی اللہ عنہا کے بھائی لوط علیہ السلام بھی ان کے ہمراہ تھے۔ یہ تیسرا قول ہے۔ [المستدرك على الصحيحين/كِتَابُ: تَوَارِيخِ الْمُتَقَدِّمِينَ مِنَ الْأَنْبِيَاءِ وَالْمُرْسَلِينَ/حدیث: 4096]

محمد بن اسحاق (سیدنا لوط علیہ السلام کا نسب بیان کرتے ہوئے) کہتے ہیں: لوط النبی لوط بن فاران بن آزر بن باخورا بن اخی ابراہیم الخلیل اور ” الموتفکۃ “ سیدنا لوط کی قوم ہے۔ [المستدرك على الصحيحين/كِتَابُ: تَوَارِيخِ الْمُتَقَدِّمِينَ مِنَ الْأَنْبِيَاءِ وَالْمُرْسَلِينَ/حدیث: 4097]