سیدنا انس بن مالک رضی اللہ عنہ فرماتے ہیں: جب حضور صلی اللہ علیہ وسلم کی وفات کا وقت قریب تھا تو آپ کی سب سے آخری وصیت یہ تھی، نماز، نماز، (راوی کہتے ہیں:) آپ نے دو مرتبہ یہ الفاظ استعمال کیے (اور پھر فرمایا:) اور جو تمہارے زیر ملکیت ہیں (یعنی اپنے غلاموں اور کنیزوں کے ساتھ اچھا سلوک کرنا) اس کے بعد آپ کے سینہ مبارک سے تیزی سے سانس لینے کی آواز آتی رہی، لیکن آپ نے زبان سے مزید کوئی بات ارشاد نہیں فرمائی۔ ٭٭ امام بخاری رحمۃ اللہ علیہ اور امام مسلم رحمۃ اللہ علیہ نے یہ حدیث بھی نقل کی ہے اور ام المومنین سیدہ عائشہ رضی اللہ عنہا کی وہ حدیث بھی نقل کی ہے کہ آپ کے آخری الفاظ یہ تھے ” الرفیق الاعلیٰ “ [المستدرك على الصحيحين/كِتَابُ الْمَغَازِي وَالسَّرَايَا/حدیث: 4436]