سیدنا علی بن ابی طلحہ رضی اللہ عنہ فرماتے ہیں: ہم نے حج کیا، (اس موقعہ پر) ہم سیدنا حسن بن علی رضی اللہ عنہما کی زیارت کے لئے مدینہ شریف بھی گئے، معاویہ بن حدیج ہمارے ہمراہ تھے، سیدنا حسن رضی اللہ عنہ کو بتایا گیا کہ یہ معاویہ بن حدیج سیدنا علی رضی اللہ عنہ پر تبرا کرنے والوں میں سے ہیں۔ آپ نے فرمایا، اس کو میرے پاس پیش کرو، چنانچہ اس کو پیش کر دیا گیا۔ آپ نے اس سے پوچھا: کیا تم سیدنا علی رضی اللہ عنہ پر تبرا کرتے ہو؟ وہ مکر گیا، آپ نے فرمایا: خدا کی قسم! اگر تیری ان سے ملاقات ہو (جبکہ مجھے یہ امید نہیں ہے کہ قیامت کے دن تو ان سے مل سکے) تو تو ان کو رسول اللہ صلی اللہ علیہ وسلم کے حوض پر کھڑا پائے گا۔ ان کے ہاتھ میں ایک کانٹے دار چھڑی ہو گی جس کے ساتھ وہ منافقین کو حوض کوثر سے پیچھے ہٹا رہے ہوں گے۔ یہ بات مجھے صادق و مصدوق (نبی اکرم) صلی اللہ علیہ وسلم نے بتائی ہے۔ اور بے شک نامراد رہا جس نے جھوٹ بولا۔ ٭٭ یہ حدیث صحیح الاسناد ہے لیکن امام بخاری رحمۃ اللہ علیہ اور امام مسلم رحمۃ اللہ علیہ نے اس کو نقل نہیں کیا۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 4720]