ابن شہاب فرماتے ہیں: (جنگ بدر میں) عتبہ اور سیدنا عبیدہ رضی اللہ عنہ کے درمیان مڈبھیڑ ہوئی، دونوں نے ایک دوسرے پر حملے کئے، سیدنا حمزہ رضی اللہ عنہ اور سیدنا علی رضی اللہ عنہ نے عتبہ کو واصل جہنم کیا، اور اپنے ساتھی سیدنا عبیدہ رضی اللہ عنہ کو اٹھا کر نبی اکرم صلی اللہ علیہ وسلم کی بارگاہ میں لے آئے۔ سیدنا عبیدہ رضی اللہ عنہ کی پنڈلی کٹ چکی تھی اور اس میں سے مواد بہہ رہا تھا، جب یہ لوگ سیدنا عبیدہ رضی اللہ عنہ کو رسول اللہ صلی اللہ علیہ وسلم کے پاس لے آئے، سیدنا عبیدہ رضی اللہ عنہ کہنے لگے، یا رسول اللہ صلی اللہ علیہ وسلم ! کیا میں شہید نہیں ہوں؟ آپ صلی اللہ علیہ وسلم فرمایا: کیوں نہیں؟ تو سیدنا عبیدہ رضی اللہ عنہ بولے: کاش کہ ابوطالب آج زندہ ہوتے تو یہ جان لیتے کہ جو وہ اکثر کہا کرتے تھے اس کا ان سے زیادہ میں حقدار ہوں، وہ کہا کرتے تھے، اور ہم فرمانبرداری میں قائم رہیں گے یہاں تک کہ اس کے اردگرد باہم اکھاڑ پچھاڑ ہو جائے اور ہم اپنے بیوی بچوں سے غافل ہو جائیں۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 4924]