سیدنا رفاعہ بن رافع اپنے والد سیدنا رفاعہ کے حوالے سے فرماتے ہیں: جنگ بدر کے دن کافی سارے لوگوں نے امیہ بن خلف کا گھیراؤ کیا ہوا تھا، میں اس کی طرف متوجہ ہوا، میں نے اس کی زرہ کو دیکھ لیا کہ اس کی بغل کے نیچے سے ایک جگہ سے ٹوٹی ہوئی ہے، چنانچہ میں نے تلوار کا وہیں پر وار کیا اور اس کو قتل کر ڈالا، جنگ بدر میں میری آنکھ میں ایک تیر آ کر لگا جس کی وجہ سے میری وہ آنکھ ضائع ہو گئی، رسول اللہ صلی اللہ علیہ وسلم نے اس آنکھ میں اپنا لعاب دہن لگایا، اور دعا فرمائی، (اس دعا کا اثر یہ ہوا کہ) مجھے کسی قسم کا کوئی درد وغیرہ محسوس نہیں ہوا۔ ٭٭ یہ حدیث صحیح الاسناد ہے لیکن امام بخاری رحمۃ اللہ علیہ اور امام مسلم رحمۃ اللہ علیہ نے اس کو نقل نہیں کیا۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 5097]