محمد بن عمر کہتے ہیں کہ پھر اس کے بعد سلمہ بن ہشام رضی اللہ عنہ (قید سے) نکل بھاگے اور مدینہ منورہ میں رسول اللہ صلی اللہ علیہ وسلم کے پاس پہنچ گئے، یہ واقعہ غزوہ خندق کے بعد کا ہے، ان کی آمد پر ان کی والدہ ضباعہ بنت عامر بن قرط نے (خوشی میں یہ اشعار) کہے: ”اے اللہ! کعبہ مشرفہ کے رب، سلمہ کو ہر دشمن پر غلبہ عطا فرما، وہ مبہم اور پیچیدہ معاملات میں بڑی مہارت رکھنے والا ہے، اس کا ایک ہاتھ سخاوت کرنے والا اور دوسرا ہاتھ انعام و اکرام بانٹنے والا ہے“، پھر وہ مسلسل رسول اللہ صلی اللہ علیہ وسلم کی خدمت میں رہے یہاں تک کہ آپ صلی اللہ علیہ وسلم کا وصال ہو گیا، پھر جب سیدنا ابوبکر صدیق رضی اللہ عنہ نے رومیوں سے جہاد کے لیے لشکر روانہ کیے تو وہ بھی مسلمانوں کے ساتھ شام چلے گئے، چنانچہ سلمہ رضی اللہ عنہ سیدنا عمر رضی اللہ عنہ کے دورِ خلافت میں محرم سنہ 14 ہجری میں مرج الصفر کے مقام پر شہید ہوئے۔
سیدنا سعد بن عبادہ خزرجی نقیب رضی اللہ عنہ کے مناقب کا ذکر۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 5173]