محمد بن عمر کہتے ہیں کہ سیدنا طفیل بن عمرو رضی اللہ عنہ مکہ میں اسلام لائے اور رسول اللہ صلی اللہ علیہ وسلم کی اتباع اختیار کی، پھر اپنی قوم قبیلہ دوس کی طرف واپس چلے گئے اور وہیں مقیم رہے یہاں تک کہ غزوہ بدر، احد اور خندق کے بعد مدینہ ہجرت کی، وہ اپنی قوم کے اسلام لانے والوں کو لے کر اس وقت پہنچے جب رسول اللہ صلی اللہ علیہ وسلم خیبر میں تھے، پھر وہ خیبر میں رسول اللہ صلی اللہ علیہ وسلم سے جا ملے اور آپ صلی اللہ علیہ وسلم نے مسلمانوں کے ساتھ (مالِ غنیمت میں) ان کا بھی حصہ مقرر فرمایا۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 5212]