محمد بن عمر کہتے ہیں کہ بلال بن رباح سیدنا ابوبکر صدیق رضی اللہ عنہ کے آزاد کردہ غلام تھے، ان کی کنیت ابو عبداللہ تھی، وہ قبیلہ سراۃ کے رہنے والوں میں سے تھے، ان کی وفات سنہ 20 ہجری میں دمشق میں ہوئی اور وہیں مقبرہ دمشق کے باب الصغیر کے پاس دفن ہوئے، اس وقت ان کی عمر ساٹھ سال سے کچھ اوپر تھی، شعیب بن طلحہ کہتے ہیں کہ بلال رضی اللہ عنہ سیدنا ابوبکر رضی اللہ عنہ کے ہم عمر تھے، اور شعیب بلال کی تاریخ پیدائش کے متعلق زیادہ علم رکھتے تھے۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 5313]