ابوسلمہ بن عبدالرحمن بیان کرتے ہیں کہ میں ام المومنین سیدہ عائشہ رضی اللہ عنہا کے پاس گیا، انہوں نے مجھ سے کہا: رسول اللہ صلی اللہ علیہ وسلم مجھے کہا کرتے تھے: مجھے اپنے بعد تمہارا معاملہ بہت پریشان کر دیتا ہے اور تمہارے بارے میں صرف صابر لوگ ہی صبر اختیار کریں گے۔ پھر ام المومنین نے فرمایا: الله تعالیٰ تمہارے والد کو جنت کی نہر سے سیراب کرے، عبدالرحمن بن عوف رضی اللہ عنہ ان کے ساتھ بہت حسن سلوک کیا کرتے تھے اور اپنے مال و دولت کے ساتھ ان کی بہت خدمت کیا کرتے تھے۔ ان کا باغ چالیس ہزار دینار کے عوض بیچا گیا (جو کہ امہات المومنین کی خدمت میں خرچ کیا گیا) [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 5443]