ابو ہبیرہ سیدنا حبیب بن مسلمہ فہری رضی اللہ عنہ سے روایت کرتے ہیں، اور وہ مستجاب الدعوات (جن کی دعائیں قبول ہوتی تھیں) تھے، انہیں ایک لشکر کا امیر مقرر کیا گیا، تو وہ پہاڑی دروں سے گزر کر گئے۔ جب وہ دشمن کے سامنے پہنچے تو انہوں نے فرمایا: میں نے رسول اللہ صلی اللہ علیہ وسلم کو یہ فرماتے ہوئے سنا ہے: ”جب کوئی جماعت اکٹھی ہو، پھر ان میں سے کچھ لوگ دعا کریں اور دوسرے آمین کہیں، تو اللہ تعالیٰ ان کی دعا ضرور قبول فرماتا ہے۔“ پھر انہوں نے اللہ تعالیٰ کی حمد و ثنا بیان کی اور یہ دعا کی: «اللَّهُمَّ احْقِنْ دِمَاءَنَا، وَاجْعَلْ أُجُورَنَا أُجُورَ الشُّهَدَاءِ» ”اے اللہ! ہمارا خون محفوظ رکھ اور ہمیں شہیدوں کے برابر اجر عطا فرما۔“ وہ اسی حالت میں تھے کہ دشمنوں کا کمانڈر (ہنباط) اتر کر حبیب رضی اللہ عنہ کے خیمے میں آ گیا۔
سیدنا مقداد بن عمرو کندی رضی اللہ عنہ کے مناقب کا بیان، جنہیں ابن اسود بھی کہا جاتا تھا۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 5567]