محمد بن عبداللہ بن نمیر فرماتے ہیں: ابوعبس عبداللہ بن جبر بن عمرو بن زید انصاری رضی اللہ عنہ سن 33 ہجری میں فوت ہوئے۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 5584]

ابراہیم بن منذر فرماتے ہیں: ابوعبس عبدالرحمن بن جبر رضی اللہ عنہ ستر سال کی عمر میں سن 34 ہجری میں فوت ہوئے۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 5585]

محمد بن عمر فرماتے ہیں: ابوعبس بن جبر رضی اللہ عنہ اور خنیس بن حذافہ سہمی رضی اللہ عنہ کبار صحابہ کرام میں سے تھے۔ سیدنا ابوعبس رضی اللہ عنہ جنگ بدر، جنگ احد اور تمام غزوات میں رسول اللہ صلی اللہ علیہ وسلم ہمراہ شریک ہوئے تھے۔ اور کعب بن اشرف کو مارنے والوں میں بھی یہ شریک تھے۔ ٭٭ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 5586]

ابن عمر کہتے ہیں: عبدالحمید بن ابی عبس جو کہ ابوعبس کی اولاد امجاد میں سے ہیں فرماتے ہیں: سیدنا ابوعبس رضی اللہ عنہ ستر سال کی عمر میں سن 34 ہجری میں فوت ہوئے۔ سیدنا عثمان رضی اللہ عنہ نے ان کی نماز جنازہ پڑھائی تھی۔ سیدنا ابوبردہ بن نیار رضی اللہ عنہ، سیدنا قتادہ بن نعمان رضی اللہ عنہ، سیدنا محمد بن مسلمہ رضی اللہ عنہ اور سیدنا سلامہ بن وقش رضی اللہ عنہ نے آپ کو لحد میں اتارا تھا۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 5587]