محمد بن عبداللہ بن نمیر بیان کرتے ہیں کہ: ”عمرو بن العاص (رضی اللہ عنہ) کی وفات سن 42 ہجری میں ہوئی“۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 6017]

محمد بن عبداللہ بن نمیر نے ان کا نصب یوں بیان کیا ہے ” سیدنا عمرو بن العاص بن وائل بن ہاشم بن سعید بن سہم بن عمرو بن ہصیص بن کعب بن لؤی بن غالب “ ان کی والدہ ” نابغہ بنت حرملہ بن حارث بن کلثوم بن جوشن بن عمرو بن عبداللہ بن خزیمہ بن عنزہ بن اسد بن ربیعہ بن نزار “ ہیں۔ آپ کوتاہ قد تھے، کالا خضاب لگایا کرتے تھے۔ بعض مؤرخین کا کہنا ہے کہ نابغہ بنت حرملہ، سبیہ کی بیٹی ہیں، جو کہ عنزہ کی اولاد میں سے ہیں۔ اور سیدنا عمرو بن العاص کا ایک ماں شریکی بھائی جو کہ عروہ بن امامہ عدوی کا بیٹا تھا، آپ حبشہ کی جانب ہجرت کرنے والوں میں سے تھے، ان کے بھائی ہشام بن العاص جنگ اجنادین کے موقع پر شہید ہوئے، اور یہ بھی قول ہے کہ سیدنا عمرو بن العاص کا انتقال 51 ہجری کو ہوا۔ واللہ اعلم۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 6018]