عمرو بن شعیب اپنے والد سے اور وہ اپنے دادا سے روایت کرتے ہیں کہ سیدنا عمر بن خطاب رضی اللہ عنہ نے سیدنا عمرو بن العاص رضی اللہ عنہ کو دیکھا کہ انہوں نے اپنے سفید بالوں کو سیاہ خضاب لگا رکھا تھا جس سے وہ کوے کے پروں کی طرح لگ رہے تھے، انہوں نے پوچھا: ”اے ابوعبداللہ! یہ کیا ہے؟“ سیدنا عمرو رضی اللہ عنہ نے جواب دیا: ”اے امیر المومنین! میں پسند کرتا ہوں کہ مجھ میں (جوانی اور رونق کی) کچھ باقیات نظر آئیں“، اس پر سیدنا عمر رضی اللہ عنہ نے انہیں اس سے منع نہیں کیا اور نہ ہی اسے ناپسند کیا، سیدنا عمرو بن العاص رضی اللہ عنہ کی وفات کے وقت ان کی عمر تقریباً سو سال تھی۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 6027]