سیدنا عمرو بن العاص رضی اللہ عنہ سے روایت ہے، انہوں نے فرمایا: ”میں اسلام قبول کرنے کے ارادے سے رسول اللہ صلی اللہ علیہ وسلم کی طرف نکلا تو راستے میں میری ملاقات خالد بن ولید رضی اللہ عنہ سے ہوئی، یہ فتح مکہ سے پہلے کا واقعہ ہے اور وہ مکہ سے آ رہے تھے، میں نے پوچھا: اے ابوسلیمان! کہاں کا ارادہ ہے؟ انہوں نے جواب دیا: اللہ کی قسم! اب سیدھا راستہ بالکل واضح ہو چکا ہے اور بے شک وہ شخص اللہ کا سچا نبی ہے، اللہ کی قسم! میں تو اسلام قبول کرنے جا رہا ہوں، آخر کب تک (انکار کرتے رہیں گے)؟ میں نے کہا: اللہ کی قسم! میں بھی صرف اسلام لانے ہی کے لیے نکلا ہوں، چنانچہ ہم رسول اللہ صلی اللہ علیہ وسلم کی خدمت میں حاضر ہوئے، پہلے خالد بن ولید رضی اللہ عنہ آگے بڑھے، اسلام لائے اور بیعت کی، پھر میں نے قریب ہو کر بیعت کی اور واپس آ گیا۔“ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 6025]

عبدالرحمن بن شماسہ سے روایت ہے کہ سیدنا عمرو بن العاص رضی اللہ عنہ پست قد اور گٹھے ہوئے جسم کے مالک تھے۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 6026]