سیدنا ابوایوب انصاری رضی اللہ عنہ فرماتے ہیں: میں نے جب بھی رسول اللہ صلی اللہ علیہ وسلم کے پیچھے نماز پڑھی ہے، نماز کے بعد آپ صلی اللہ علیہ وسلم کو یہ دعا مانگتے سنا ہے۔ اللَّهُمُ اغْفِرْ لِي أَخْطَائِي وَذُنُوبِي كُلَّهَا أَنْعِمْنِي وَأَحْيِينِي وَارْزُقْنِي، وَاهْدِنِي لِصَالِحِ الْأَعْمَالِ وَالْأَخْلَاقِ، فَإِنَّهُ لَا يَهْدِي لِصَالِحِهَا إِلَّا أَنْتَ، وَلَا يَصْرِفُ عَنْ سَيِّئِهَا إِلَّا أَنْتَ ” اے اللہ! تو میری تمام خطاؤں اور گناہوں کو بخش دے، تو مجھے نعمت عطا فرما، مجھے زندگی عطا فرما، مجھے رزق عطا فرما، اور مجھے نیک اعمال اور اخلاق حسنہ کی توفیق عطا فرما۔ کیونکہ بے شک نیک اعمال اور اچھے اخلاق کی توفیق تو ہی عطا فرمانے والا ہے۔ اور گناہوں سے بچانے والا بھی تو ہی ہے۔“ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 6055]

سیدنا ابوایوب رضی اللہ عنہ فرماتے ہیں: میں نے رسول اللہ صلی اللہ علیہ وسلم کی ریش مبارک کے کچھ موئے مبارک لے لئے، حضور صلی اللہ علیہ وسلم نے فرمایا: اے ابوایوب! جب تک یہ تمہارے پاس ہیں تجھے کوئی نقصان نہیں ہو سکتا۔ ٭٭ یہ حدیث صحیح الاسناد ہے لیکن امام بخاری رحمۃ اللہ علیہ اور امام مسلم رحمۃ اللہ علیہ نے اس کو نقل نہیں کیا۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 6056]