محمد بن عمر بیان کرتے ہیں کہ سیدنا سلیمان بن صرد بن جون خزاعی رضی اللہ عنہ کی کنیت ابو مطرف تھی، وہ اسلام لائے اور انہیں صحبتِ نبوی صلی اللہ علیہ وسلم کا شرف حاصل ہوا، ان کا نام پہلے یسار تھا لیکن جب وہ اسلام لائے تو رسول اللہ صلی اللہ علیہ وسلم نے ان کا نام سلیمان رکھ دیا، وہ اپنی قوم میں نہایت معمر اور صاحبِ شرف تھے، جب مسلمان کوفہ میں آباد ہوئے تو وہ بھی وہیں قیام پذیر ہوئے، انہوں نے امیر المومنین سیدنا علی رضی اللہ عنہ کے ہمراہ جنگِ صفین میں شرکت کی، پھر وہ سیدنا حسین بن علی رضی اللہ عنہما کے خون کا بدلہ لینے کے لیے چار ہزار کے لشکر کے ساتھ نکلے، اسی معرکے میں سلیمان بن صرد شہید ہوئے اور ان کا سر مروان بن حکم کے پاس لے جایا گیا، شہادت کے وقت ان کی عمر 93 برس تھی۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 6385]

امام محمد بن اسماعیل بخاری بیان کرتے ہیں کہ مختار بن ابوعبید نے سلیمان بن صرد کو اس وقت قتل کیا جب سلیمان عبید اللہ بن زیاد کو قتل کر چکے تھے۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 6386]

علی بن مدینی بیان کرتے ہیں کہ سیدنا سلیمان بن صرد رضی اللہ عنہ نے عبید اللہ بن زیاد کو قتل کیا تھا۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 6387]