سیدنا سعید بن جبیر رضی اللہ عنہ روایت کرتے ہیں کہ سیدنا عبداللہ بن عباس رضی اللہ عنہما نے ارشاد فرمایا: نبی اکرم صلی اللہ علیہ وسلم ام المومنین سیدہ میمونہ رضی اللہ عنہا کے گھر پر تھے، میں نے حضور صلی اللہ علیہ وسلم کے وضو کے لئے پانی رکھا، سیدہ میمونہ رضی اللہ عنہا نے رسول اللہ صلی اللہ علیہ وسلم کو بتایا کہ عبداللہ بن عباس رضی اللہ عنہما نے آپ کے وضو کے لئے پانی رکھا ہے، نبی اکرم صلی اللہ علیہ وسلم نے خوش ہو کر ان کو یہ دعا دی،” اے اللہ! اس کو دین کی سمجھ بوجھ عطا فرما اور اس کو تاویل کا علم سکھا۔ ٭٭ یہ حدیث صحیح الاسناد ہے لیکن امام بخاری رحمۃ اللہ علیہ اور امام مسلم رحمۃ اللہ علیہ نے اس کو نقل نہیں کیا۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 6413]