عامر بن عبداللہ بن زبیر اپنے والد سے روایت کرتے ہیں کہ وہ نبی کریم صلی اللہ علیہ وسلم کی خدمت میں حاضر ہوئے جبکہ آپ صلی اللہ علیہ وسلم پچھنے لگوا (حجامہ کروا) رہے تھے، جب آپ صلی اللہ علیہ وسلم فارغ ہوئے تو فرمایا: ”اے عبداللہ! اس خون کو لے جاؤ اور اسے ایسی جگہ بہا دو جہاں تمہیں کوئی دیکھ نہ سکے،“ پس جب میں رسول اللہ صلی اللہ علیہ وسلم کے پاس سے نکلا تو میں نے اس خون کا قصد کیا اور اسے پی لیا، جب میں واپس آیا تو نبی کریم صلی اللہ علیہ وسلم نے دریافت فرمایا: ”اے عبداللہ! تم نے کیا کیا؟“ میں نے عرض کیا: میں نے اسے ایسی جگہ چھپا دیا ہے جہاں میرا خیال ہے کہ وہ لوگوں سے پوشیدہ رہے گا، آپ صلی اللہ علیہ وسلم نے فرمایا: ”شاید تم نے اسے پی لیا ہے؟“ میں نے عرض کیا: جی ہاں، آپ صلی اللہ علیہ وسلم نے فرمایا: ”اور تمہیں خون پینے کا کس نے حکم دیا تھا؟ تمہاری وجہ سے لوگوں کے لیے ہلاکت (آزمائش) ہے اور لوگوں کی وجہ سے تمہارے لیے ہلاکت ہے۔“ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 6480]

سیدنا عبداللہ بن زبیر رضی اللہ عنہما سے روایت ہے کہ میں نے نبی کریم صلی اللہ علیہ وسلم کو فرماتے ہوئے سنا: ”جس نے قرآن کی تلاوت کی، خواہ وہ زبانی ہو یا دیکھ کر، اسے جنت میں ایک ایسا درخت عطا کیا جائے گا کہ اگر کوئی کوا اس کے ایک پتے کے نیچے بچہ نکالے، پھر وہ بچہ اڑنا شروع کرے تو اس پتے کی مسافت ختم کرنے سے پہلے وہ بچہ بوڑھا ہو جائے گا۔“ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 6481]