نافع سے روایت ہے کہ اگر تم سیدنا ابن عمر رضی اللہ عنہما کو رسول اللہ صلی اللہ علیہ وسلم کے آثار اور نقشِ قدم کی اس قدر شدت سے پیروی کرتے ہوئے دیکھتے تو تم (فرطِ عقیدت دیکھ کر) یقیناً یہ کہتے کہ یہ دیوانے ہیں۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 6516]

ابن شہاب زہری سے روایت ہے کہ سیدنا عبداللہ بن عمر رضی اللہ عنہما (عمرِ صغر میں) اپنے والد سیدنا عمر رضی اللہ عنہ سے پہلے اسلام لائے تھے۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 6517]

سیدنا عبداللہ بن عمر رضی اللہ عنہما سے روایت ہے کہ ایک شخص نے ان سے کسی مسئلے کے بارے میں دریافت کیا تو انہوں نے فرمایا: ”مجھے اس کا علم نہیں ہے۔“ جب وہ شخص پیٹھ پھیر کر چلا گیا تو ابن عمر رضی اللہ عنہما نے (بطورِ تحدیثِ نعمت) فرمایا: ”ابن عمر نے کتنا اچھا جواب دیا، اس سے وہ بات پوچھی گئی جس کا اسے علم نہ تھا تو اس نے (بے جھجک) کہہ دیا کہ مجھے اس کا علم نہیں ہے۔“ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 6518]