سیدنا انس بن مالک رضی اللہ عنہ سے روایت ہے کہ سیدنا سلمان فارسی رضی اللہ عنہ سیدنا عمر بن خطاب رضی اللہ عنہ کے پاس آئے جبکہ وہ ایک تکیے سے ٹیک لگائے بیٹھے تھے، انہوں نے وہ تکیہ ان کے لیے بچھا دیا، تو سیدنا سلمان رضی اللہ عنہ نے کہا: ”اللہ اور اس کے رسول نے سچ فرمایا۔“ سیدنا عمر رضی اللہ عنہ نے عرض کی: اے ابو عبداللہ! ہمیں حدیث بیان کیجیے۔ انہوں نے کہا: میں رسول اللہ صلی اللہ علیہ وسلم کی خدمت میں حاضر ہوا جبکہ آپ صلی اللہ علیہ وسلم ایک تکیے سے ٹیک لگائے ہوئے تھے، آپ صلی اللہ علیہ وسلم نے وہ تکیہ میری طرف بڑھا دیا، پھر مجھ سے فرمایا: ”اے سلمان! جو بھی مسلمان اپنے کسی مسلمان بھائی کے پاس جائے اور وہ اسے عزت دینے کے لیے تکیہ پیش کرے، تو اللہ تعالیٰ اس کی مغفرت فرما دیتا ہے۔“ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 6687]