سیدنا سلمان بن عامر الضبی رضی اللہ عنہ فرماتے ہیں: میں نبی اکرم صلی اللہ علیہ وسلم کی بارگاہ میں حاضر ہوا، اور عرض کی: یا رسول اللہ صلی اللہ علیہ وسلم ! میرے والد صاحب صلہ رحمی کیا کرتے تھے، مہمان نوازی کرتے تھے ذمہ داریاں ادا کرتے تھے، لیکن انہوں نے اسلام کا زمانہ نہیں پایا، تو کیا ان کو ان کی نیکیوں کا اجر ملے گا؟ حضور صلی اللہ علیہ وسلم نے فرمایا: نہیں۔ میں جب واپس آنے لگا تو آپ صلی اللہ علیہ وسلم نے فرمایا: وہ بزرگ میرے ذمے ہیں، پھر میرے لئے فرمایا: یہ سب تیرے بعد ہو گا، وہ کبھی بھی ذلیل نہیں ہوں گے، رسوا نہیں ہوں گے، اور کبھی محتاج نہیں ہوں گے۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 6705]