احمد بن یعقوب نے ہمیں خبر دی، انہوں نے کہا کہ ہمیں موسیٰ بن زکریا نے حدیث بیان کی، انہوں نے کہا کہ ہمیں خلیفہ بن خیاط نے بتایا کہ: سلمان بن عامر بن اوس بن حجر بن عمرو بن حارث بن تیم بن ذهل بن مالک بن بکر بن سعد بن ضبہ، انہوں نے بصرہ میں سکونت اختیار کی، جامع مسجد کے پاس ان کا ایک گھر تھا اور وہیں سیدنا عثمان رضی اللہ عنہ کی خلافت کے دوران ان کی وفات ہوئی۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 6704]

سیدنا سلمان بن عامر ضبی رضی اللہ عنہ سے روایت ہے، انہوں نے کہا کہ میں نبی کریم صلی اللہ علیہ وسلم کی خدمت میں حاضر ہوا اور عرض کی: ”یا رسول اللہ! میرے والد صلہ رحمی کرتے تھے، مہمان نوازی کرتے تھے اور عہد کو پورا کرتے تھے“، آپ صلی اللہ علیہ وسلم نے دریافت فرمایا: ”کیا انہوں نے اسلام کا زمانہ نہیں پایا؟“ میں نے عرض کی: جی نہیں، وہ کہتے ہیں کہ جب میں واپس مڑا تو آپ صلی اللہ علیہ وسلم نے فرمایا: ”اس بزرگ کو میرے پاس بلاؤ“، پھر مجھ سے فرمایا: ”اس کا اثر تمہاری اولاد اور نسل میں رہے گا، وہ کبھی ذلیل نہیں ہوں گے، کبھی رسوا نہیں ہوں گے اور کبھی محتاج نہیں ہوں گے۔“
اس کے بعد سیدنا صعصعہ بن ناجیہ مجاشعی رضی اللہ عنہ کا ذکرِ خیر ہے۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 6705]