عون بن ابی جحیفہ اپنے والد کا یہ بیان نقل کرتے ہیں: میں اپنے چچا کے ساتھ نبی اکرم صلی اللہ علیہ وسلم کی خدمت میں موجود تھا، آپ صلی اللہ علیہ وسلم نے فرمایا: میری امت کا معاملہ درست رہے گا یہاں تک کہ 12 خلفاء گزر جائیں۔ پھر ایک اور بات بھی بولی لیکن آواز بہت پست تھی جس کی وجہ سے میں سن نہیں سکا، میں نے اپنے چچا سے پوچھا: اے چچا جان! رسول اللہ صلی اللہ علیہ وسلم نے مزید کیا فرمایا تھا؟ چچا نے بتایا کہ حضور صلی اللہ علیہ وسلم نے فرمایا:” تمام خلفاء قریش سے ہوں گے۔“ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 6734]

خلیفہ بن خیاط نے ان کا نسب یوں بیان کیا ہے ” عثمان بن ابی العاص بن کثیر بن دہمان بن عبداللہ بن ہمام بن ابان بن یسار بن مالک “۔ ان کی کنیت ” ابوعبداللہ “ تھی۔ 50 ہجری میں ان کا انتقال ہوا۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 6735]