کریب بن سلیمان کندی سے روایت ہے، انہوں نے کہا: سیدنا علی بن حسین بن علی (امام زین العابدین) نے میرا ہاتھ پکڑا اور مجھے قریش کے بنو زہرہ خاندان کے ایک شخص کے پاس لے گئے جنہیں ابن ابی حثمہ کہا جاتا تھا، وہ اپنے قریب ہی نماز پڑھ رہے تھے، جب وہ اپنی نماز سے فارغ ہوئے تو ہماری طرف متوجہ ہوئے، سیدنا علی بن حسین نے ان سے کہا: وہ حدیث بیان کیجئے جو آپ نے اپنی والدہ سے دم (رقیہ) کے متعلق سنی تھی، انہوں نے کہا: جی ہاں، میری والدہ نے مجھے بتایا تھا کہ وہ جاہلیت کے دور میں ایک دم کیا کرتی تھیں، جب اسلام آگیا تو انہوں نے کہا: میں اس وقت تک دم نہیں کروں گی جب تک رسول اللہ صلی اللہ علیہ وسلم سے اجازت نہ لے لوں، تو نبی کریم صلی اللہ علیہ وسلم نے ان سے فرمایا: ”دم کر لیا کرو جب تک کہ اس میں اللہ عزوجل کے ساتھ شریک ٹھہرانے والی کوئی بات (شرک) نہ ہو۔“ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 7063]