سیدہ ام جمیل رضی اللہ عنہا سے روایت ہے، انہوں نے (اپنے بیٹے محمد بن حاطب سے) کہا: میں تمہیں لے کر آئی، جب مدینہ سے ایک یا دو رات کی مسافت رہ گئی تو میں نے تمہارے لیے کچھ کھانا پکایا، لکڑیاں ختم ہو گئیں تو میں لکڑیاں لینے باہر نکلی، تم نے ہانڈی پکڑ لی جو الٹ کر تمہارے بازو پر گر گئی، جب میں مدینہ پہنچی تو تمہیں لے کر نبی کریم صلی اللہ علیہ وسلم کی خدمت میں حاضر ہوئی اور عرض کیا: یا رسول اللہ! یہ محمد بن حاطب ہے اور یہ پہلا بچہ ہے جس کا نام آپ صلی اللہ علیہ وسلم کے نام پر رکھا گیا ہے، آپ صلی اللہ علیہ وسلم نے تمہارے سر پر ہاتھ پھیرا، برکت کی دعا دی، پھر تمہارے منہ میں اپنا لعابِ دہن ڈالا اور تمہارے ہاتھ پر دم کرتے ہوئے یہ پڑھنے لگے: «أَذْهِبِ الْبَأْسَ رَبَّ النَّاسِ، اشْفِ أَنْتَ الشَّافِي، لَا شِفاءَ إِلَّا شِفاؤُكَ، شِفاءً لَا يُغَادِرُ سَقَمًا» ”اے لوگوں کے رب! تکلیف کو دور کر دے، شفا عطا فرما، تو ہی شفا دینے والا ہے، تیری شفا کے سوا کوئی شفا نہیں، ایسی شفا عطا کر جو کسی بیماری کو باقی نہ چھوڑے۔“
رسول اللہ صلی اللہ علیہ وسلم کی آزاد کردہ لونڈی اور پرورش کرنے والی ام ایمن رضی اللہ عنہا کا تذکرہ۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 7084]