سیدنا احمد بن محمد بن رومیح سے مروی ہے کہ اسامہ بن زید کے آزاد کردہ غلام ابن ابی الفرات اور حسن بن اسامہ کے درمیان کوئی جھگڑا ہوا، ابن ابی الفرات نے دورانِ گفتگو ابن ابی الفرات نے انہیں (طنزاً) کہا: اے ابن برکہ!، حسن نے کہا: تم سب گواہ رہنا، پھر وہ اس معاملے کو مدینہ کے اس وقت کے قاضی ابوبکر بن محمد بن عمرو بن حزم کے پاس لے گئے اور سارا واقعہ سنایا، ابوبکر نے ابن ابی الفرات سے پوچھا: تمہارا انہیں ”اے برکہ کے بیٹے“ کہنے سے کیا مقصد تھا؟ اس نے کہا: میں نے تو ان کا نام لیا ہے، ابوبکر نے کہا: تمہارا مقصد اس سے ان کی توہین و تحقیر کرنا تھا، حالانکہ اسلام میں ان کا مقام و مرتبہ نہایت بلند ہے اور رسول اللہ صلی اللہ علیہ وسلم خود انہیں ”اے امی!“ اور ”اے ام ایمن“ کہہ کر پکارتے تھے، اللہ عزوجل مجھے معاف نہ کرے اگر میں نے تمہیں معاف کر دیا، چنانچہ انہوں نے اسے ستر کوڑے مارنے کی سزا دی۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 7089]