سیدنا عبداللہ بن عباس رضی اللہ عنہما سے روایت ہے کہ رسول اللہ صلی اللہ علیہ وسلم نے فرمایا: ”تین دن سے زیادہ (کسی مسلمان کے لیے اپنے بھائی سے) قطع تعلقی کرنا حلال نہیں ہے، پس اگر وہ دونوں ملیں اور ان میں سے ایک دوسرے کو سلام کرے اور دوسرا سلام کا جواب دے دے تو دونوں اجر میں شریک ہو گئے، اور اگر دوسرا سلام کا جواب دینے سے انکار کر دے تو یہ (سلام کرنے والا) گناہ سے بری ہو گیا اور دوسرا اس (گناہ) کے بوجھ کے ساتھ لوٹا“، راوی کہتے ہیں: میرا خیال ہے کہ آپ صلی اللہ علیہ وسلم نے یہ بھی فرمایا: ”اور اگر وہ دونوں اس حال میں فوت ہوئے کہ وہ ایک دوسرے سے بول چال بند کیے ہوئے تھے تو وہ جنت میں اکٹھے نہیں ہوں گے۔“
یہ حدیث صحیح الاسناد ہے لیکن شیخین نے اسے روایت نہیں کیا۔ [المستدرك على الصحيحين/كِتَابُ الْبِرِّ وَالصِّلَةِ/حدیث: 7478]