سیدنا ثاب البنانی فرماتے ہیں: جب تمہیں درد ہو تو درد کے مقام پر ہاتھ رکھ کر یہ دعا مانگو بِسْمِ اللَّهُ أَعُوذُ بِعِزَّةِ اللَّهِ وَقُدْرَتِهِ مِنْ شَرِّ مَا أَجِدُ مِنْ وَجَعِي هَذَا ” اللہ تعالیٰ کے نام سے شروع کرتا ہوں، میں جو یہ درد محسوس کر رہا ہوں، اس سے اللہ تعالیٰ کی عزت اور اس کی قدرت کی پناہ مانگتا ہوں “۔ یہ دعا مانگ کر ہاتھ اٹھا لے، پھر دوبارہ ہاتھ رکھ کر یہی عمل دہرائے، طاق عدد میں یہ عمل کرے۔ سیدنا انس بن مالک رضی اللہ عنہ فرماتے ہیں: رسول اللہ صلی اللہ علیہ وسلم نے مجھے اسی طرح بتایا ہے۔ ٭٭ یہ حدیث صحیح الاسناد ہے لیکن امام بخاری رحمۃ اللہ علیہ اور امام مسلم رحمۃ اللہ علیہ نے اس کو نقل نہیں کیا۔ [المستدرك على الصحيحين/كِتَابُ الطِّبِّ/حدیث: 7705]