محمد بن صفوان رضی اللہ عنہ سے روایت ہے کہ انہوں نے دو خرگوش پکڑے لیکن انہیں ذبح کرنے کے لیے کوئی چھری یا لوہے کا آلہ نہ ملا، تو انہوں نے ایک تیز دھار پتھر سے انہیں ذبح کر دیا، پھر وہ نبی کریم صلی اللہ علیہ وسلم کی خدمت میں حاضر ہوئے اور عرض کیا: اے اللہ کے رسول صلی اللہ علیہ وسلم ! میں نے دو خرگوش شکار کیے تھے مگر مجھے ذبح کے لیے لوہا نہ ملا تو میں نے انہیں «مَرُوة» (تیز پتھر) سے ذبح کر دیا، کیا میں انہیں کھا سکتا ہوں؟ آپ صلی اللہ علیہ وسلم نے فرمایا: ”ہاں، انہیں کھاؤ۔“
یہ حدیث امام مسلم کی شرط پر صحیح ہے اگرچہ امام شعبی سے اس کی روایت میں اختلاف پایا جاتا ہے، لیکن شیخین نے اسے روایت نہیں کیا۔ [المستدرك على الصحيحين/كِتَابُ الذَّبَائِحِ/حدیث: 7772]