محمد بن صفوان فرماتے ہیں: انہوں نے دو خرگوش شکار کیے، ان کو ذبح کرنے کے لیے ان کے پاس کوئی چھری نہیں تھی، اس لیے انہوں نے۔ مروہ (ایک سفید پتھر ہے جس کے ساتھ چھریاں بنائی جاتی ہیں، اس کی دھار بہت تیز ہوتی ہے) کے ساتھ ذبح کر دیا۔ پھر وہ نبی اکرم صلی اللہ علیہ وسلم کی بارگاہ میں آئے اور عرض کی: یا رسول اللہ صلی اللہ علیہ وسلم میں نے دو خرگوش شکار کیے، ان کو ذبح کرنے کے لیے میرے پاس کوئی چھری نہیں تھی، اس لیے میں نے ان کو۔ مروہ (پتھر) کے ساتھ ذبح کر لیا۔ کیا میں اس کو کھا سکتا ہوں؟ حضور صلی اللہ علیہ وسلم نے فرمایا: جی ہاں۔ (کھا سکتے ہو)۔ ٭٭ یہ حدیث امام مسلم رحمۃ اللہ علیہ کے معیار کے مطابق صحیح ہے لیکن شیخین نے اس کو نقل نہیں کیا۔ اس کی اسناد میں امام شعبی پر اختلاف ہے۔ [المستدرك على الصحيحين/كتاب الذبائح/حدیث: 7772]