سیدنا ابوموسیٰ اشعری رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا: ”یہ امت تین گروہوں میں تقسیم ہو کر اٹھے گی: ایک گروہ وہ جو بغیر حساب کے جنت میں داخل ہوگا، ایک گروہ جس کا حساب سرسری (آسان) لیا جائے گا، اور ایک گروہ وہ جو اپنی پشتوں پر مضبوط پہاڑوں جیسے گناہ لاد کر لائے گا، تو اللہ تعالیٰ ان کے متعلق پوچھے گا - حالانکہ وہ ان کے بارے میں خوب جانتا ہے - کہ یہ کون لوگ ہیں؟ تو وہ (فرشتے) عرض کریں گے: یہ تیرے بندوں میں سے تیرے ہی بندے ہیں، پھر اللہ فرمائے گا: ان (کے گناہوں کا بوجھ) اتار دو اور انہیں یہودیوں اور عیسائیوں پر ڈال دو، اور انہیں میری رحمت سے جنت میں داخل کر دو۔“ [المستدرك على الصحيحين/كِتَابُ التَّوْبَةِ وَالْإِنَابَةِ/حدیث: 7837]