مروان بن حکم کا بیان ہے کہ جب عمر رضی اللہ عنہ قاتلانہ حملے سے زخمی تھے، اس دوران آپ نے فرمایا: میں دادا کی وراثت کے بارے میں ایک رائے رکھتا ہوں، اگر تم اس کو درست سمجھو تو اس کو اپنا لینا۔ سیدنا عثمان رضی اللہ عنہ نے فرمایا: اگر ہم آپ کی رائے کی پیروی کریں گے تو یہ بے شک ہدایت ہو گی لیکن اگر ہم اس شیخ کی رائے پر عمل کریں گے جو تم سے پہلے تھے (تو زیادہ بہتر ہو گا کیونکہ) وہ سب سے اچھی رائے دینے والے تھے۔ ٭٭ یہ حدیث امام بخاری رحمۃ اللہ علیہ اور امام مسلم رحمۃ اللہ علیہ کے معیار کے مطابق صحیح ہے لیکن شیخین رحمۃ اللہ علیہما نے اس کو نقل نہیں کیا۔ [المستدرك على الصحيحين/كِتَابُ الْفَرَائِضِ/حدیث: 8182]