جناب عمرو بن شعیب اپنے والد سے اور وہ (شعیب) اپنے دادا رضی اللہ عنہ سے روایت کرتے ہیں کہ رسول اللہ صلی اللہ علیہ وسلم نے ”خائن مرد، خائن عورت اور اپنے بھائی کے ساتھ کینہ اور بغض رکھنے والے کی گواہی رد فرمائی ہے اور ایسے ہی جو کسی گھر والوں کا خدمت گار (نوکر، غلام اور تابع) ہو، اس کی گواہی بھی قبول نہیں کی، البتہ دوسروں کے حق میں قبول ہے“۔ امام ابوداؤد رحمہ اللہ فرماتے ہیں: ” «اَلْغِمْرُ» کا معنی بغض و عداوت ہے اور «اَلْقَانِعُ» سے مراد تابع رہنے والا ہے جیسے کہ کوئی خاص نوکر ہوتا ہے“۔ [سنن ابي داود/كِتَاب الْأَقْضِيَةِ/حدیث: 3600]

سلیمان بن موسیٰ نے اپنی سند سے بیان کیا کہ رسول اللہ صلی اللہ علیہ وسلم نے فرمایا ہے: ”کسی خائن مرد یا عورت، زانی مرد یا عورت یا اپنے بھائی کے بارے میں بغض و عداوت رکھنے والے کی گواہی جائز نہیں۔“ [سنن ابي داود/كِتَاب الْأَقْضِيَةِ/حدیث: 3601]