جناب جابر بن زید اور عکرمہ کے متعلق آتا ہے کہ وہ دونوں بسر (نیم پختہ کھجور) کی نبیذ کو مکروہ سمجھتے تھے اور وہ یہ بات سیدنا ابن عباس رضی اللہ عنہ سے بیان کرتے تھے۔ اور سیدنا ابن عباس رضی اللہ عنہ نے کہا: ”مجھے اندیشہ ہے کہ یہ وہی «مُزَّاء» نہ ہو جس سے عبدالقیس کے وفد کو منع کیا گیا تھا۔“ (ہشام نے کہا) میں نے قتادہ سے پوچھا «مُزَّاء» سے کیا مراد ہے؟ تو انہوں نے کہا کہ ”سبز روغن ملے ہوئے گھڑے اور روغن زفت لگے برتن میں تیار کردہ نبیذ کو «مُزَّاء» کہتے ہیں۔“ [سنن ابي داود/كِتَاب الْأَشْرِبَةِ/حدیث: 3709]