سیدنا انس بن مالک رضی اللہ عنہ بیان کرتے ہیں کہ میری لمبی لمبی زلفیں تھیں۔ میری والدہ نے مجھ سے کہا: ”انہیں مت کاٹو، رسول اللہ صلی اللہ علیہ وسلم انہیں (پیار سے) کھینچتے تھے اور پکڑ لیا کرتے تھے۔“ [سنن ابي داود/كِتَاب التَّرَجُّلِ/حدیث: 4196]

حجاج بن حسان نے بیان کیا کہ ہم سیدنا انس بن مالک رضی اللہ عنہ کے ہاں گئے۔ میری بہن مغیرہ نے بیان کیا کہ تم ان دنوں نوعمر بچے تھے اور تمہارے بالوں کی دو لٹیں تھیں۔ تو انہوں نے تمہارے سر پر ہاتھ پھیرا اور تمہارے لیے برکت کی دعا کی اور فرمایا: ”انہیں مونڈ ڈالو یا کتروا لو، بلاشبہ یہ یہودیوں کی علامت ہے۔“ [سنن ابي داود/كِتَاب التَّرَجُّلِ/حدیث: 4197]