🏠 👥 🔍 🧩 🅰️ 📌 ↩️

الحمدللہ ! آج حدیث مبارک کی دو نئی کتب مسند أبي يعلى الموصلي اور المعجم الأوسط اردو عربی سرچ سہولت کے ساتھ پیش کر دی گئی ہے۔ News
مجمع الزاوئد ومنبع الفوائد سے متعلقہ
تمام کتب
ترقیم شاملہ
عربی
اردو
حدیث کتب میں نمبر سے حدیث تلاش کریں:

مجمع الزاوئد ومنبع الفوائد میں نمبر سے تلاش کل احادیث (18776)
حدیث نمبر لکھیں:
مجمع الزاوئد ومنبع الفوائد میں عربی لفظ/الفاظ تلاش کریں
عربی لفظ / الفاظ لکھیں:
مجمع الزاوئد ومنبع الفوائد میں اردو لفظ/الفاظ تلاش کریں
اردو لفظ / الفاظ لکھیں:

88. بَابُ إِجَابَةِ دَعْوَتِهِ رَضِيَ اللَّهُ عَنْهُ .
حضرت سعد رضی اللہ عنہ کا مستجاب الدعوات ہونا
اظهار التشكيل
حدیث نمبر: 14851
عَنْ عَامِرٍ - يَعْنِي الشَّعْبِيَّ - قَالَ: قِيلَ لِسَعْدِ بْنِ أَبِي وَقَّاصٍ: مَتَى أَصَبْتَ الدَّعْوَةَ؟ قَالَ: يَوْمَ بَدْرٍ، كُنْتُ أَرْمِي بَيْنَ يَدَيِ النَّبِيِّ - صَلَّى اللَّهُ عَلَيْهِ وَسَلَّمَ - فَأَضَعُ السَّهْمَ فِي كَبِدِ الْقَوْسِ، ثُمَّ أَقُولُ: اللَّهُمَّ زَلْزِلْ أَقْدَامَهُمْ، وَأَرْعِبْ قُلُوبَهُمْ، وَافْعَلْ بِهِمْ وَافْعَلْ. فَيَقُولُ النَّبِيُّ - صَلَّى اللَّهُ عَلَيْهِ وَسَلَّمَ -:" اللَّهُمَّ اسْتَجِبْ لِسَعْدٍ".
رَوَاهُ الطَّبَرَانِيُّ، وَإِسْنَادُهُ حَسَنٌ.
وَقَدْ تَقَدَّمَ فِي وَقْعَةِ أُحُدٍ: أَنَّ السِّهَامَ الَّتِي رَمَى بِهَا يَوْمَئِذٍ أَلْفُ سَهْمٍ.
عامر شعبی بیان کرتے ہیں: سیدنا سعد بن ابی وقاص رضی اللہ عنہ سے دریافت کیا گیا: آپ کی دعا کب قبول ہوئی تھی؟ انہوں نے جواب دیا: جنگ بدر کے دن میں نبی اکرم صلی اللہ علیہ وسلم کے سامنے تیر اندازی کر رہا تھا میں کمان میں تیر رکھتا تھا اور پھر یہ کہتا تھا۔ اے اللہ! ان کے قدموں کو ہلا دے، اور ان کے دلوں میں رعب قائم کر دے، اور یہ کر دے اور وہ کر دے، تو نبی اکرم صلی اللہ علیہ وسلم یہ فرماتے تھے: اے اللہ! سعد کی دعا قبول فرما لے۔
یہ روایت امام طبرانی نے نقل کی ہے اور اس کی سند حسن ہے۔ اس سے پہلے واقعہ احد میں یہ بات گزر چکی ہے سیدنا سعد رضی الللہ عنہ نے اس دن جو تیر مارے تھے وہ ایک ہزار تیر تھے۔ [مجمع الزاوئد ومنبع الفوائد/كِتَابُ الْمَنَاقِبِ/حدیث: 14851]
تخریج الحدیث: «أخرجه المعجم الكبير للطبراني برقم: 318»

الحكم على الحديث:
إسنادہ ضعیف
مزید تخریج الحدیث شرح دیکھیں
اظهار التشكيل
حدیث نمبر: 14852
وَعَنْهُ قَالَ: سَمِعَنِي النَّبِيُّ - صَلَّى اللَّهُ عَلَيْهِ وَسَلَّمَ - وَأَنَا أَدْعُو، فَقَالَ:" اللَّهُمَّ اسْتَجِبْ لَهُ إِذَا دَعَاكَ".
رَوَاهُ الْبَزَّارُ، وَرِجَالُهُ رِجَالُ الصَّحِيحِ.
وَيَأْتِي حَدِيثُ ابْنُ عَبَّاسٍ فِي الْبَابِ الَّذِي يَلِيهِ.
ان کے حوالے سے یہ بات منقول ہے: وہ بیان کرتے ہیں: نبی اکرم صلی اللہ علیہ وسلم نے مجھے سنا میں دعا کر رہا تھا، تو آپ نے فرمایا: ”اے اللہ! جب یہ تجھ سے دعا کرے تو اس کی دعا کو مستجاب فرمانا۔“
یہ روایت امام بزار نے نقل کی ہے، اور اس کے رجال ”صحیح“ کے رجال ہیں۔ آگے چل کر سیدنا عبداللہ بن عباس رضی اللہ عنہما سے منقول ایک حدیث آئے گی جو اس کے بعد والے باب میں آئے گی۔ [مجمع الزاوئد ومنبع الفوائد/كِتَابُ الْمَنَاقِبِ/حدیث: 14852]
تخریج الحدیث: «اخرجه البزار فى المسند (2579)، أخرجه مسند البزار برقم: 1218، وأخرجه المستدرك على الصحيحين برقم: 6173، وأخرجه صحيح ابن حبان برقم: 6990، وأخرجه الأحاديث المختارة برقم: 1039»

الحكم على الحديث:
إسناده صحيح
مزید تخریج الحدیث شرح دیکھیں
اظهار التشكيل
حدیث نمبر: 14853
عَنْ سَعِيدِ بْنِ الْمُسَيَّبِ قَالَ: خَرَجَتْ جَارِيَةٌ لِسَعْدٍ - يُقَالُ لَهَا: زِيرَا - وَعَلَيْهَا قَمِيصٌ حَرِيرٌ، فَكَشَفَتْهَا الرِّيحُ، فَشَدَّ عَلَيْهَا عُمَرُ بِالدِّرَّةِ، وَجَاءَ سَعْدٌ لِيَمْنَعَهُ فَتَنَاوَلَهُ بِالدِّرَّةِ، فَذَهَبَ سَعْدٌ يَدْعُو عَلَى عُمَرَ، فَنَاوَلَهُ عُمَرُ الدِّرَّةَ، وَقَالَ: اقْتَصَّ. فَعَفَا عَنْ عُمَرَ.
رَوَاهُ الطَّبَرَانِيُّ، وَرِجَالُهُ ثِقَاتٌ.
سعید بن مسیب بیان کرتے ہیں: سیدنا سعد بن ابی وقاص رضی اللہ عنہ کی کنیز نکلی اس کا نام زیرا تھا، اس کنیز کے جسم پر ریشم کی قمیص تھی، ہوا کی وجہ سے اس کی قمیض ہٹ گئی، تو سیدنا عمر رضی اللہ عنہ نے اسے درہ مارا، سیدنا سعد رضی اللہ عنہ انہیں روکنے کے لئے آئے، تو درہ انہیں بھی لگ گیا، پھر سیدنا سعد رضی اللہ عنہ سیدنا عمر رضی اللہ عنہ کے خلاف دعا کرنے لگے، تو سیدنا عمر رضی اللہ عنہ نے درہ انہیں پکڑا دیا اور فرمایا: آپ بدلہ لے لیں تو انہوں نے سیدنا عمر رضی اللہ عنہ کو معاف کر دیا۔
یہ روایت امام طبرانی نے نقل کی ہے اور اس کے رجال ثقہ ہیں۔ [مجمع الزاوئد ومنبع الفوائد/كِتَابُ الْمَنَاقِبِ/حدیث: 14853]
تخریج الحدیث: «اخرجه الطبراني فى المعجم الكبير (309)»

الحكم على الحديث:
إسنادہ صحیح
مزید تخریج الحدیث شرح دیکھیں
اظهار التشكيل
حدیث نمبر: 14854
وَعَنْ قَيْسٍ - يَعْنِي ابْنَ أَبِي حَازِمٍ - قَالَ: كَانَ لِابْنِ مَسْعُودٍ عَلَى سَعْدٍ مَالٌ، فَقَالَ لَهُ ابْنُ مَسْعُودٍ: أَدِّ الْمَالَ الَّذِي قِبَلَكَ، فَقَالَ لَهُ: وَاللَّهِ [ إِنِّي ] لَأُرَاكَ لَاقٍ مِنِّي شَرًّا، هَلْ أَنْتَ إِلَّا ابْنُ مَسْعُودٍ وَعَبْدٌ مِنْ [ بَنِي ] هُذَيْلٍ؟ فَقَالَ: أَجَلْ وَاللَّهِ إِنِّي لَابْنُ مَسْعُودٍ وَإِنَّكَ لَابْنُ حَمْنَةَ، فَقَالَ لَهُمَا هَاشِمُ بْنُ عُتْبَةَ: إِنَّكُمَا صَاحِبَا رَسُولِ اللَّهِ - صَلَّى اللَّهُ عَلَيْهِ وَسَلَّمَ - يَنْظُرُ النَّاسُ إِلَيْكُمَا، فَطَرَحَ سَعْدٌ عُودًا كَانَ فِي يَدِهِ، ثُمَّ رَفَعَ يَدَهُ فَقَالَ: اللَّهُمَّ رَبَّ السَّمَاوَاتِ، فَقَالَ لَهُ ابْنُ مَسْعُودٍ: قُلْ قَوْلًا وَلَا تَلْعَنْ، فَسَكَتَ. ثُمَّ قَالَ سَعْدٌ: [ أَمَا وَاللَّهِ ] لَوْلَا اتِّقَاءُ اللَّهِ ؛ لَدَعَوْتُ عَلَيْكَ دَعْوَةً مَا تُخْطِئُكَ.
رَوَاهُ الطَّبَرَانِيُّ، وَرِجَالُهُ رِجَالُ الصَّحِيحِ غَيْرَ أَسَدِ بْنِ مُوسَى، وَهُوَ ثِقَةٌ مَأْمُونٌ.
قیس بن ابوحازم بیان کرتے ہیں: سیدنا عبداللہ بن مسعود رضی اللہ عنہ نے سیدنا سعد رضی اللہ عنہ سے کچھ مال لینا تھا۔ سیدنا عبداللہ بن مسعود رضی اللہ عنہ نے ان سے کہا: آپ وہ مال ادا کر دیں جو آپ کے ذمہ ہے، سیدنا سعد رضی اللہ عنہ نے ان سے کہا: اللہ کی قسم! تمہارے بارے میں میرا یہ خیال ہے کہ تمہیں میری طرف سے کوئی برائی لاحق ہو گی تم ابن مسعود ہی ہو نا، جو بنو ہذیل کے ایک غلام تھے، تو سیدنا عبداللہ بن مسعود رضی اللہ عنہ نے کہا: جی ہاں میں ابن مسعود ہی ہوں اور آپ حمنہ کے صاحبزادے ہیں، تو ہاشم بن عتبہ نے ان دونوں صاحبان سے کہا: آپ دونوں اللہ کے رسول کے صحابی ہیں، اور لوگ آپ دونوں کی طرف دیکھ رہے ہیں، تو سیدنا سعد رضی اللہ عنہ نے اپنے ہاتھ میں موجود چھڑی رکھ دی، پھر انہوں نے اپنے ہاتھ کو بلند کیا اور کہا: اے اللہ! اے آسمانوں کے پروردگار! تو سیدنا عبداللہ بن مسعود رضی اللہ عنہ نے ان سے کہا: آپ جو مرضی بات کہہ دیں لیکن لعنت نہ کیجئے گا، تو سیدنا سعد رضی اللہ عنہ خاموش ہو گئے، پھر سیدنا سعد رضی اللہ عنہ نے کہا: اللہ کی قسم! اگر اللہ تعالیٰ کا ڈر نہ ہوتا تو میں نے تمہارے خلاف ایسی دعا کرنی تھی جو تمہیں لاحق ہو جانی تھی۔
یہ روایت امام طبرانی نے نقل کی ہے، اور اس کے رجال ”صحیح“ کے رجال ہیں صرف اسد بن موسیٰ کا معاملہ مختلف ہے اور وہ ثقہ اور مامون ہے۔ [مجمع الزاوئد ومنبع الفوائد/كِتَابُ الْمَنَاقِبِ/حدیث: 14854]
تخریج الحدیث: «اخرجه الطبراني فى المعجم الكبير (306)»

الحكم على الحديث:
إسنادہ صحیح
مزید تخریج الحدیث شرح دیکھیں
اظهار التشكيل
حدیث نمبر: 14855
عَنْ عَامِرِ بْنِ سَعْدٍ قَالَ: بَيْنَمَا سَعْدٌ يَمْشِي إِذْ مَرَّ بِرَجُلٍ وَهُوَ يَشْتُمُ عَلِيًّا، وَطَلْحَةَ، وَالزُّبَيْرَ، فَقَالَ لَهُ سَعْدٌ: إِنَّكَ تَشْتُمُ أَقْوَامًا قَدْ سَبَقَ لَهُمْ مِنَ اللَّهِ مَا سَبَقَ، وَاللَّهِ لَتَكُفَّنَّ عَنْ شَتْمِهِمْ أَوْ لَأَدْعُوَنَّ اللَّهَ - عَزَّ وَجَلَّ - عَلَيْكَ. قَالَ: يُخَوِّفُنِي كَأَنَّهُ نَبِيٌّ!! فَقَالَ سَعْدٌ: اللَّهُمَّ إِنْ كَانَ يَشْتُمُ أَقْوَامًا قَدْ سَبَقَ لَهُمْ مِنْكَ مَا سَبَقَ فَاجْعَلْهُ الْيَوْمَ نَكَالًا. فَجَاءَتْ بُخْتِيَّةٌ، فَأَفْرَجَ النَّاسُ لَهَا فَتَخَبَّطَتْهُ، فَرَأَيْتُ النَّاسَ يَتَّبِعُونَ سَعْدًا يَقُولُونَ: اسْتَجَابَ اللَّهُ لَكَ يَا أَبَا إِسْحَاقَ.
رَوَاهُ الطَّبَرَانِيُّ، وَرِجَالُهُ رِجَالُ الصَّحِيحِ.
عامر بن سعد بیان کرتے ہیں: ایک مرتبہ سیدنا سعد رضی اللہ عنہ چلتے ہوئے جا رہے تھے۔ ان کا گزر ایک شخص کے پاس سے ہوا جو سیدنا علی رضی اللہ عنہ اور سیدنا طلحہ رضی اللہ عنہ اور سیدنا زبیر رضی اللہ عنہ کو برا کہہ رہا تھا، تو سیدنا سعد رضی اللہ عنہ نے اس سے کہا: تم ایسے لوگوں کو برا کہہ رہے ہو جن کے لئے اللہ تعالیٰ کی طرف سے پہلے سے (فضیلت آ چکی ہے) اللہ کی قسم! یا تو تم انہیں برا کہنے سے باز آ جاؤ گے یا پھر میں تمہارے خلاف اللہ تعالیٰ سے دعا کروں گا، اس نے کہا: یہ مجھے یوں ڈرا رہے ہیں جیسے یہ نبی ہوتے ہیں، تو سیدنا سعد رضی اللہ عنہ نے کہا: اے اللہ! اگر یہ شخص ان لوگوں کو برا کہے جن کے لئے تیری طرف سے پہلے ہی (بھلائی آ چکی ہے) تو تُو آج ہی اسے سزا دے دینا، راوی کہتے ہیں: اسی دوران ایک بختی اونٹنی آئی، لوگوں میں اس کی وجہ سے بھگدڑ مچ گئی، اس اونٹنی نے اس شخص کو کچل دیا۔ میں نے لوگوں کو دیکھا کہ وہ تیزی سے سیدنا سعد رضی اللہ عنہ کے پیچھے گئے اور وہ یہ کہہ رہے تھے: اے ابواسحاق! اللہ تعالیٰ نے آپ کی دعا قبول کر لی ہے۔
یہ روایت امام طبرانی نے نقل کی ہے اور اس کے رجال ”صحیح“ کے رجال ہیں۔ [مجمع الزاوئد ومنبع الفوائد/كِتَابُ الْمَنَاقِبِ/حدیث: 14855]
تخریج الحدیث: «اخرجه الطبراني فى المعجم الكبير (307)»

الحكم على الحديث:
إسنادہ صحیح
مزید تخریج الحدیث شرح دیکھیں
اظهار التشكيل
حدیث نمبر: 14856
وَعَنْ قَبِيصَةَ بْنِ جَابِرٍ: قَالَ ابْنُ عَمٍّ لَنَا يَوْمَ الْقَادِسِيَّةِ:
أَلَمْ تَرَ أَنَّ اللَّهَ أَنْزَلَ نَصْرَهُ وَسَعْدٌ بِبَابِ الْقَادِسِيَّةِ مُعْصَمُ فَأُبْنَا وَقَدْ آمَتْ نِسَاءٌ كَثِيرَةٌ
وَنِسْوَةُ سَعْدٍ لَيْسَ فِيهِنَّ أَيِّمُ.
فَبَلَغَ سَعْدًا قَوْلُهُ فَقَالَ: اللَّهُمَّ [ اقْطَعْ ] عَنِّي لِسَانَهُ وَيَدَهُ، فَجَاءَتْ نُشَّابَةٌ فَأَصَابَتْ فَاهُ فَخَرِسَ، ثُمَّ قُطِعَتْ يَدُهُ فِي الْقِتَالِ، فَقَالَ سَعْدٌ: احْمِلُونِي عَلَى بَابٍ، فَخُرِجَ بِهِ مَحْمُولًا، ثُمَّ كُشِفَ عَنْ ظَهْرِهِ، وَفِيهِ قُرُوحٌ، فَأَخْبَرَ النَّاسَ بِعُذْرِهِ فَعَذَرُوهُ، وَكَانَ سَعْدٌ لَا يَحِينُ.
قبیصہ بن جابر بیان کرتے ہیں: جنگ قادسیہ کے دن ہمارے چچا زاد نے ہم سے کہا: ”کیا تم نے دیکھا نہیں کہ اللہ تعالیٰ نے اپنی مدد نازل کر دی، اور سیدنا سعد رضی اللہ عنہ قادسیہ کے دروازے کو مضبوطی سے پکڑے ہوئے تھے، جب ہم نے جائزہ لیا تو یہ بات سامنے آئی کہ بہت سی خواتین بیوہ ہو گئی ہیں لیکن سیدنا سعد رضی اللہ عنہ کی خواتین میں سے کوئی بیوہ نہیں ہوئی ہے۔“ سیدنا سعد رضی اللہ عنہ کو اس کی بات کا پتہ چلا تو انہوں نے فرمایا: اے اللہ! اس کی زبان اور ہاتھ کو مجھ سے کاٹ دے، تو پھر ایک تیر آیا اور اس شخص کے منہ پر لگا، تو وہ گونگا ہو گیا، پھر جنگ کے دوران اس کا ہاتھ بھی کٹ گیا، تو سیدنا سعد رضی اللہ عنہ نے کہا: مجھے اٹھا کر دروازے پر لے جاؤ! انہیں اٹھا کر باہر لایا گیا، ان کی پشت سے کپڑا ہٹایا گیا، تو وہاں بہت سے زخموں کے نشان تھے، انہوں نے لوگوں کو اپنے عذر کے بارے میں بتایا تو لوگوں نے ان کے عذر کو قبول کیا، سیدنا سعد رضی اللہ عنہ بزدل نہیں تھے۔ [مجمع الزاوئد ومنبع الفوائد/كِتَابُ الْمَنَاقِبِ/حدیث: 14856]
تخریج الحدیث: «اخرجه الطبراني فى المعجم الكبير (311)»

الحكم على الحديث:
إسنادہ ضعیف
مزید تخریج الحدیث شرح دیکھیں
اظهار التشكيل
حدیث نمبر: 14857
وَفِي رِوَايَةٍ: يُقَاتِلُ حَتَّى يُنْزِلَ اللَّهُ نَصْرَهُ. وَقَالَ: وَقُطِعَتْ يَدُهُ وَقُتِلَ.
رَوَاهُ الطَّبَرَانِيُّ بِإِسْنَادَيْنِ ؛ رِجَالُ أَحَدِهِمَا ثِقَاتٌ.
ایک روایت میں یہ الفاظ ہیں: وہ جنگ کرتے رہے، یہاں تک کہ اللہ تعالیٰ نے اپنی مدد نازل کی۔ اس میں انہوں نے یہ الفاظ نقل کیے ہیں: اس شخص کا ہاتھ کٹ گیا اور وہ شخص مارا گیا۔
یہ روایت امام طبرانی نے دو اسناد کے ساتھ نقل کی ہے جن میں سے ایک کے رجال ثقہ ہیں۔ [مجمع الزاوئد ومنبع الفوائد/كِتَابُ الْمَنَاقِبِ/حدیث: 14857]
تخریج الحدیث: «اخرجه الطبراني فى المعجم الكبير (310)»

الحكم على الحديث:
رواه الطبراني بإسنادين؛ رجال أحدهما ثقات.
مزید تخریج الحدیث شرح دیکھیں