حضرت زبیر بن عوام رضی اللہ عنہ سے روایت ہے، حضرت ام کلثوم بنت عقبہ رضی اللہ عنہا ان کے نکاح میں تھیں۔ ایامِ حمل میں انہوں نے ان (زبیر) سے کہا: ”ایک طلاق دے کر میرا دل خوش کر دیجیے۔“ انہوں نے ایک طلاق دے دی۔ اس کے بعد وہ نماز کے لیے چلے گئے، واپس آئے تو حضرت ام کلثوم رضی اللہ عنہا کے ہاں ولادت ہو چکی تھی۔ انہوں نے کہا: ”اس نے یہ کیوں کیا؟ اس نے مجھ سے دھوکا کیا ہے۔ اللہ اسے دھوکے کی سزا دے۔“ پھر وہ نبی صلی اللہ علیہ وسلم کی خدمت میں حاضر ہوئے (اور واقعہ بیان کیا) تو نبی صلی اللہ علیہ وسلم نے فرمایا: ”اللہ کے قانون کے مطابق مقرر وقت گزر چکا۔ (اب) اسے (دوبارہ) نکاح کا پیغام دے دو۔“ [سنن ابن ماجه/كتاب الطلاق/حدیث: 2026]