الحمدللہ! انگلش میں کتب الستہ سرچ کی سہولت کے ساتھ پیش کر دی گئی ہے۔
احادیث201 سے 400
153. الْخَيْرُ مَعْقُودٌ فِي نَوَاصِي الْخَيْلِ
153. گھوڑوں کی پیشانیوں میں خیر باندھ دی گئی ہے
حدیث نمبر: 221 |
|
سیدنا ابن عمر رضی اللہ عنہ سے مروی ہے کہ بے شک نبی صلی اللہ علیہ وسلم نے فرمایا: ”گھوڑوں کی پیشانیوں میں قیامت تک کے لیے خیر باندھ دی گئی ہے۔“
تخریج الحدیث: «إسناده صحيح، وأخرجه البخاري: 2849، ومسلم: 1871، وابن ماجه: 2787،- الموطأ: 1016،»
حدیث نمبر: 222 |
|
سیدنا انس رضی اللہ عنہ کہتے ہیں کہ رسول اللہ صلی اللہ علیہ وسلم نے فرمایا: ”برکت گھوڑوں کی پیشانیوں میں ہے۔“
تخریج الحدیث: «إسناده صحيح، وأخرجه البخاري: 2851، ومسلم: 1874، و النسائي: 3601،»
حدیث نمبر: 223 |
|
سیدنا عروہ بارقی رضی اللہ عنہ کہتے ہیں کہ میں نے رسول اللہ صلی اللہ علیہ وسلم کو یہ فرماتے سنا: ”گھوڑوں کی پیشانیوں میں قیامت تک کے لیے خیر باندھ دی گئی ہے۔“
تخریج الحدیث: «إسناده صحيح، وأخرجه البخاري: 2850، ومسلم: 1873، والنسائي: 3604، وابن ماجه: 2786،»
وضاحت:
تشریح:
ان احادیث میں مجاہدین کے گھوڑوں کی فضیلت بیان فرمائی گئی ہے اور اس بات کی ترغیب دلائی گئی ہے کہ جہاد فی سبیل اللہ کے لیے ہر وقت گھوڑے تیار رکھو۔ گھوڑوں کی پیشانی میں خیر و برکت باندھ دی گئی ہے، یہ استعارہ ہے۔ مطلب یہ ہے کہ گھوڑوں کو لازم پکڑنے میں ہی خیر و برکت ہے، انہیں ہر وقت اللہ کی راہ میں جہاد کے لیے تیار رکھو۔ چنانچہ سیدہ اسماء بنت یزید رضی اللہ عنہا کا بیان ہے کہ ”رسول اللہ صلی اللہ علیہ وسلم نے فرمایا: ”گھوڑوں کی پیشانیوں میں ہمیشہ کے لیے قیامت تک خیر باندھ دی گئی ہے“۔ پس جس نے انہیں اللہ کی راہ میں جہاد کے لیے تیار کیا اور ثواب کی نیت سے ان پر خرچ کیا تو ان کا سیر ہونا، بھوکا رہنا، سیراب ہونا، پیاسا رہنا، ان کی لید اور ان کا پیشاب قیامت کے دن اس کے ترازو میں کامیابی کا باعث ہوگا۔“ [أحمد: 455/6،حسن]
سیدنا سلمہ بن نفیل کندی کہتے ہیں کہ میں رسول اللہ صلی اللہ علیہ وسلم کے پاس بیٹھا تھا کہ ایک آدمی نے کہا: اللہ کے رسول! لوگوں نے گھوڑوں کو اہمیت دینا چھوڑ دی ہے اور انہوں نے ہتھیار رکھ دیئے ہیں اور وہ کہنے لگے ہیں: اب جہاد نہیں رہا۔ جنگ ختم ہو چکی ہے۔ رسول اللہ صلی اللہ علیہ وسلم نے اپنا چہرہ مبارک لوگوں کی طرف کیا اور ارشاد فرمایا: ”وہ غلط کہتے ہیں۔ جہاد تو اب فرض ہوا ہے اور میری امت کا ایک عظیم گروہ حق (کو غالب کرنے) کے لیے لڑتا رہے گا۔ اللہ تعالیٰ ان سے لڑنے کے لیے بہت سے لوگوں کے دل کفر کی طرف مائل کرتا رہے گا اور اللہ تعالیٰ انہیں ان سے رزق عطا فرماتا رہے گا حتی کہ قیامت قائم ہو جائے اور اللہ تعالیٰ ٰ کا (غلبے والا) وعدہ پورا ہو جائے۔ اور (جہاد کی نیت سے رکھے گئے) گھوڑوں کی پیشانیوں میں قیامت تک کے لیے خیر رکھ دی گئی ہے۔ مجھے وحی کی گئی ہے کہ میں دنیا میں رہنے والا نہیں بلکہ عنقریب فوت ہو جاؤں گا اور تم میرے بعد گروہوں میں بٹ جاؤ گے اور ایک دوسرے کی گردنیں کاٹو گے۔ اور (قرب قیامت فتوں کے دور میں) ایمان والوں کا اصل مرکز شام ہوگا۔“ [نسائي: 3591، وسنده صحيح]
سیدنا ابوہریرہ رضی اللہ عنہ سے منقول ہے کہ رسول اللہ صلی اللہ علیہ وسلم نے فرمایا: ”گھوڑے کسی شخص کے لیے ثواب کا ذریعہ ہیں، کسی کے لیے پردہ پوشی کا سبب ہیں، اور کسی کے لیے گناہ کا مؤجب ہیں۔ ثواب اس شخص کے لیے ہے جس نے انہیں جہاد کے لیے باندھ رکھا ہے اور چراگاہ اور باغیچے میں ان کی رسی فراخ کر رکھی ہے۔ وہ رسی میں بندھے ہوئے اس چراگاہ اور باغیچے سے جو کچھ بھی کھائیں پئیں گے، وہ اس کے لیے نیکیاں ہی نیکیاں ہیں اور اگر وہ رسی تڑوا کر ایک دو ٹیلے تک ادھر ادھر بھاگ جائیں تو ان کے نشانات قدم حتی کہ ان کی لید بھی اس کی نیکیوں میں اضافے کا سبب ہے اور اگر وہ کسی نہر اور دریا کے پاس سے گزرتے وقت پانی پی لیں، خواہ اس نے انہیں پانی پلانے کا ارادہ نہ کیا ہو، تو وہ پانی بھی اس کے لیے نیکیاں بن جائے گا، یہ تو ثواب والے گھوڑے ہیں۔ اور جس آدمی نے انہیں اپنے فائدے کے لیے باندھا کہ کسی کے سامنے دست سوال دراز نہ کرنا پڑے، اس کے ساتھ ساتھ اس نے ان گھوڑوں اور ان کی سواری کے مسئلے میں اللہ تعالیٰ کا حق فراموش نہیں کیا، یہ اس شخص کے لیے پردہ پوش ہیں۔ اور جس شخص نے فخر، ریا کاری اور اہل اسلام کی مخالفت کی غرض سے گھوڑے باندھے، تو یہ اس کے لیے گناہ کا موجب ہوں گے۔“ نبی صلی اللہ علیہ وسلم سے گدھے (پالنے) کے بارے میں پوچھا: گیا تو آپ نے فرمایا: ”ان کے بارے میں مجھ پر کوئی مخصوص وحی تو نہیں اتری، البتہ یہ واحد جامع آیت موجود ہے:
﴿فَمَن يَعْمَلْ مِثْقَالَ ذَرَّةٍ خَيْرًا يَرَهُ ٭ وَمَن يَعْمَلْ مِثْقَالَ ذَرَّةٍ شَرًّا يَرَهُ﴾ (الزلزال: 7)
”جو شخص ذرہ بھر نیکی کرے گا، اس کی جزا پالے گا۔ اور جو ذرہ بھر برائی کرے گا، اس کی سزا پالے گا۔“ [بخاري: 2371، نسائي: 3593]
تشریح:
ان احادیث میں مجاہدین کے گھوڑوں کی فضیلت بیان فرمائی گئی ہے اور اس بات کی ترغیب دلائی گئی ہے کہ جہاد فی سبیل اللہ کے لیے ہر وقت گھوڑے تیار رکھو۔ گھوڑوں کی پیشانی میں خیر و برکت باندھ دی گئی ہے، یہ استعارہ ہے۔ مطلب یہ ہے کہ گھوڑوں کو لازم پکڑنے میں ہی خیر و برکت ہے، انہیں ہر وقت اللہ کی راہ میں جہاد کے لیے تیار رکھو۔ چنانچہ سیدہ اسماء بنت یزید رضی اللہ عنہا کا بیان ہے کہ ”رسول اللہ صلی اللہ علیہ وسلم نے فرمایا: ”گھوڑوں کی پیشانیوں میں ہمیشہ کے لیے قیامت تک خیر باندھ دی گئی ہے“۔ پس جس نے انہیں اللہ کی راہ میں جہاد کے لیے تیار کیا اور ثواب کی نیت سے ان پر خرچ کیا تو ان کا سیر ہونا، بھوکا رہنا، سیراب ہونا، پیاسا رہنا، ان کی لید اور ان کا پیشاب قیامت کے دن اس کے ترازو میں کامیابی کا باعث ہوگا۔“ [أحمد: 455/6،حسن]
سیدنا سلمہ بن نفیل کندی کہتے ہیں کہ میں رسول اللہ صلی اللہ علیہ وسلم کے پاس بیٹھا تھا کہ ایک آدمی نے کہا: اللہ کے رسول! لوگوں نے گھوڑوں کو اہمیت دینا چھوڑ دی ہے اور انہوں نے ہتھیار رکھ دیئے ہیں اور وہ کہنے لگے ہیں: اب جہاد نہیں رہا۔ جنگ ختم ہو چکی ہے۔ رسول اللہ صلی اللہ علیہ وسلم نے اپنا چہرہ مبارک لوگوں کی طرف کیا اور ارشاد فرمایا: ”وہ غلط کہتے ہیں۔ جہاد تو اب فرض ہوا ہے اور میری امت کا ایک عظیم گروہ حق (کو غالب کرنے) کے لیے لڑتا رہے گا۔ اللہ تعالیٰ ان سے لڑنے کے لیے بہت سے لوگوں کے دل کفر کی طرف مائل کرتا رہے گا اور اللہ تعالیٰ انہیں ان سے رزق عطا فرماتا رہے گا حتی کہ قیامت قائم ہو جائے اور اللہ تعالیٰ ٰ کا (غلبے والا) وعدہ پورا ہو جائے۔ اور (جہاد کی نیت سے رکھے گئے) گھوڑوں کی پیشانیوں میں قیامت تک کے لیے خیر رکھ دی گئی ہے۔ مجھے وحی کی گئی ہے کہ میں دنیا میں رہنے والا نہیں بلکہ عنقریب فوت ہو جاؤں گا اور تم میرے بعد گروہوں میں بٹ جاؤ گے اور ایک دوسرے کی گردنیں کاٹو گے۔ اور (قرب قیامت فتوں کے دور میں) ایمان والوں کا اصل مرکز شام ہوگا۔“ [نسائي: 3591، وسنده صحيح]
سیدنا ابوہریرہ رضی اللہ عنہ سے منقول ہے کہ رسول اللہ صلی اللہ علیہ وسلم نے فرمایا: ”گھوڑے کسی شخص کے لیے ثواب کا ذریعہ ہیں، کسی کے لیے پردہ پوشی کا سبب ہیں، اور کسی کے لیے گناہ کا مؤجب ہیں۔ ثواب اس شخص کے لیے ہے جس نے انہیں جہاد کے لیے باندھ رکھا ہے اور چراگاہ اور باغیچے میں ان کی رسی فراخ کر رکھی ہے۔ وہ رسی میں بندھے ہوئے اس چراگاہ اور باغیچے سے جو کچھ بھی کھائیں پئیں گے، وہ اس کے لیے نیکیاں ہی نیکیاں ہیں اور اگر وہ رسی تڑوا کر ایک دو ٹیلے تک ادھر ادھر بھاگ جائیں تو ان کے نشانات قدم حتی کہ ان کی لید بھی اس کی نیکیوں میں اضافے کا سبب ہے اور اگر وہ کسی نہر اور دریا کے پاس سے گزرتے وقت پانی پی لیں، خواہ اس نے انہیں پانی پلانے کا ارادہ نہ کیا ہو، تو وہ پانی بھی اس کے لیے نیکیاں بن جائے گا، یہ تو ثواب والے گھوڑے ہیں۔ اور جس آدمی نے انہیں اپنے فائدے کے لیے باندھا کہ کسی کے سامنے دست سوال دراز نہ کرنا پڑے، اس کے ساتھ ساتھ اس نے ان گھوڑوں اور ان کی سواری کے مسئلے میں اللہ تعالیٰ کا حق فراموش نہیں کیا، یہ اس شخص کے لیے پردہ پوش ہیں۔ اور جس شخص نے فخر، ریا کاری اور اہل اسلام کی مخالفت کی غرض سے گھوڑے باندھے، تو یہ اس کے لیے گناہ کا موجب ہوں گے۔“ نبی صلی اللہ علیہ وسلم سے گدھے (پالنے) کے بارے میں پوچھا: گیا تو آپ نے فرمایا: ”ان کے بارے میں مجھ پر کوئی مخصوص وحی تو نہیں اتری، البتہ یہ واحد جامع آیت موجود ہے:
﴿فَمَن يَعْمَلْ مِثْقَالَ ذَرَّةٍ خَيْرًا يَرَهُ ٭ وَمَن يَعْمَلْ مِثْقَالَ ذَرَّةٍ شَرًّا يَرَهُ﴾ (الزلزال: 7)
”جو شخص ذرہ بھر نیکی کرے گا، اس کی جزا پالے گا۔ اور جو ذرہ بھر برائی کرے گا، اس کی سزا پالے گا۔“ [بخاري: 2371، نسائي: 3593]
154. يُمْنُ الْخَيْلِ فِي شُقْرِهَا
154. گھوڑوں کی برکت ان کے سرخ رنگ میں ہے
حدیث نمبر: 224 |
|
سیدنا ابن عباس رضی اللہ عنہ کہتے ہیں کہ رسول اللہ صلی اللہ علیہ وسلم نے فرمایا: ”گھوڑوں کی برکت ان کے سرخ رنگ میں ہے۔“
تخریج الحدیث: «إسناده حسن، وأخرجه أبو داود: 2545، وترمذي: 1695، وأحمد: 1/ 272»
وضاحت:
تشریح:
اس حدیث مبارک میں بتایا گیا ہے کہ سرخ رنگ کے گھوڑے بابرکت ہیں یعنی دوسرے رنگوں کی بانسبت اس رنگ کے گھوڑے میں زیادہ برکت ہے کہ ان کی بدولت دنیا میں بھی برکت ملتی ہے اور آخرت میں بھی، ان پر سوار ہو کر جہاد کرنے سے جو مال غنیمت ملتا ہے وہ دنیا کی برکت ہے اور اس کی وجہ سے جو اجر و ثواب ملتا ہے وہ آخرت کی برکت ہے، لہٰذا جب اختیار و انتخاب کا معاملہ ہو تو اسی رنگ کے گھوڑے کو مقدم رکھنا چاہیے۔
تشریح:
اس حدیث مبارک میں بتایا گیا ہے کہ سرخ رنگ کے گھوڑے بابرکت ہیں یعنی دوسرے رنگوں کی بانسبت اس رنگ کے گھوڑے میں زیادہ برکت ہے کہ ان کی بدولت دنیا میں بھی برکت ملتی ہے اور آخرت میں بھی، ان پر سوار ہو کر جہاد کرنے سے جو مال غنیمت ملتا ہے وہ دنیا کی برکت ہے اور اس کی وجہ سے جو اجر و ثواب ملتا ہے وہ آخرت کی برکت ہے، لہٰذا جب اختیار و انتخاب کا معاملہ ہو تو اسی رنگ کے گھوڑے کو مقدم رکھنا چاہیے۔
155. السَّفَرُ قِطْعَةٌ مِنَ الْعَذَابِ
155. سفر عذاب کا ایک ٹکڑا ہے
حدیث نمبر: 225 |
|
سیدنا ابوہریرہ رضی اللہ عنہ سے مروی ہے کہ بے شک رسول اللہ صلی اللہ علیہ وسلم نے فرمایا: ”سفر عذاب کا ایک ٹکڑا ہے۔“
تخریج الحدیث: «إسناده صحيح، أخرجه البخاري: 1804، ومسلم: 1927، وابن ماجه: 2882،»
وضاحت:
تشریح:
”سفر عذاب کا ایک ٹکڑا ہے۔“ اس لیے کہ اس میں انسان کو کئی طرح کی تکالیف اور پریشانیوں کا سامنا کرنا پڑتا ہے۔ اپنے اہل وعیال اور دوست و احباب کی جدائی کا صدمہ اور اس کے ساتھ ساتھ سفر کی صعوبتیں، تھکا وٹیں اور مشقتیں وغیرہ۔
مولانا داود راز رحمتہ اللہ رقمطراز ہیں: یہ اس زمانے میں فرمایا گیا جب گھر سے باہر نکل کر قدم قدم پر بے حد تکالیف اور خطرات کا مقابلہ کرنا پڑتا تھا، آج کل سفر میں بہت ہی آسانیاں مہیا ہوگئی ہیں مگر پھر بھی رسول برحق کا فرمان اپنی جگہ برحق ہے، ہوائی جہاز، موٹر جس میں بھی سفر ہو، بہت سی تکالیف کا سامنا کرنا پڑتا ہے، بہت سے ناموافق حالات سامنے آتے ہیں جن کو دیکھ کر بے ساختہ منہ سے نکل پڑتا ہے: سفر بالواقع عذاب کا ایک ٹکڑا ہے۔ ایک بزرگ سے پوچھا گیا کہ سفر عذاب کا ٹکڑا کیوں ہے؟ فوراً جواب دیا: اس لیے کہ سفر میں احباب سے جدائی ہو جاتی ہے اور یہ بھی ایک طرح سے روحانی عذاب ہے۔ (شرح صحیح بخاری: 3/ 110)
سیدنا موسیٰ علیہ السلام نے جب زیارت خضر کے لیے سفر کیا تو پکار اٹھے: ﴿لَقَدْ لَقِينَا مِن سَفَرِنَا هَٰذَا نَصَبًا﴾ (الكهف: 62) ”بلاشبہ ہمیں ہمارے اس سفر میں تھکاوٹ پہنچی ہے۔“ نبی کریم صلی اللہ علیہ وسلم جب سفر پر روانہ ہوتے تو کئی دعائیں فرماتے جن میں ایک یہ بھی ہوتی:
«اللَّهُمَّ إِنِّي أَعُوذُ بِكَ مِنْ وَعْثَاءِ السَّفَرِ، وَكَآبَةِ الْمَنْظَرِ، وَسُوءِ الْمُنْقَلَبِ فِي الْمَالِ وَالْأَهْلِ» (مسلم: 1342) ”اے اللہ! میں سفر کی مشقت اور تکلیف دہ منظر اور گھر والوں میں بری تبدیلی سے تیری پناہ مانگتا ہوں۔“
یاد رہے کہ جن روایتوں میں آتا ہے کہ سفر کرو تمہیں صحت ملے گی۔ وہ سب ضعیف ہیں۔ دیکھئے: الاتحاف الباسم، ص: 514۔
تشریح:
”سفر عذاب کا ایک ٹکڑا ہے۔“ اس لیے کہ اس میں انسان کو کئی طرح کی تکالیف اور پریشانیوں کا سامنا کرنا پڑتا ہے۔ اپنے اہل وعیال اور دوست و احباب کی جدائی کا صدمہ اور اس کے ساتھ ساتھ سفر کی صعوبتیں، تھکا وٹیں اور مشقتیں وغیرہ۔
مولانا داود راز رحمتہ اللہ رقمطراز ہیں: یہ اس زمانے میں فرمایا گیا جب گھر سے باہر نکل کر قدم قدم پر بے حد تکالیف اور خطرات کا مقابلہ کرنا پڑتا تھا، آج کل سفر میں بہت ہی آسانیاں مہیا ہوگئی ہیں مگر پھر بھی رسول برحق کا فرمان اپنی جگہ برحق ہے، ہوائی جہاز، موٹر جس میں بھی سفر ہو، بہت سی تکالیف کا سامنا کرنا پڑتا ہے، بہت سے ناموافق حالات سامنے آتے ہیں جن کو دیکھ کر بے ساختہ منہ سے نکل پڑتا ہے: سفر بالواقع عذاب کا ایک ٹکڑا ہے۔ ایک بزرگ سے پوچھا گیا کہ سفر عذاب کا ٹکڑا کیوں ہے؟ فوراً جواب دیا: اس لیے کہ سفر میں احباب سے جدائی ہو جاتی ہے اور یہ بھی ایک طرح سے روحانی عذاب ہے۔ (شرح صحیح بخاری: 3/ 110)
سیدنا موسیٰ علیہ السلام نے جب زیارت خضر کے لیے سفر کیا تو پکار اٹھے: ﴿لَقَدْ لَقِينَا مِن سَفَرِنَا هَٰذَا نَصَبًا﴾ (الكهف: 62) ”بلاشبہ ہمیں ہمارے اس سفر میں تھکاوٹ پہنچی ہے۔“ نبی کریم صلی اللہ علیہ وسلم جب سفر پر روانہ ہوتے تو کئی دعائیں فرماتے جن میں ایک یہ بھی ہوتی:
«اللَّهُمَّ إِنِّي أَعُوذُ بِكَ مِنْ وَعْثَاءِ السَّفَرِ، وَكَآبَةِ الْمَنْظَرِ، وَسُوءِ الْمُنْقَلَبِ فِي الْمَالِ وَالْأَهْلِ» (مسلم: 1342) ”اے اللہ! میں سفر کی مشقت اور تکلیف دہ منظر اور گھر والوں میں بری تبدیلی سے تیری پناہ مانگتا ہوں۔“
یاد رہے کہ جن روایتوں میں آتا ہے کہ سفر کرو تمہیں صحت ملے گی۔ وہ سب ضعیف ہیں۔ دیکھئے: الاتحاف الباسم، ص: 514۔
156. طَاعَةُ النِّسَاءِ نَدَامَةٌ
156. عورتوں کی اطاعت کرنا پچھتاوا ہے
حدیث نمبر: 226 |
|
سیدہ عائشہ رضی اللہ عنہا کہتی ہیں کہ رسول اللہ صلی اللہ علیہ وسلم نے فرمایا: ”عورتوں کی اطاعت کرنا پچھتاوا ہے۔“
تخریج الحدیث: «موضوع، الكامل لابن عدى: 249/4» سلیمان بن ابی کریمہ سخت ضعیف ہے۔
157. الْبَلَاءُ مُوَكَّلٌ بِالْمَنْطِقِ
157. مصیبت بولنے کے ساتھ جڑی ہوئی ہے
حدیث نمبر: 227 |
|
سیدنا حذیفہ رضی اللہ عنہ کہتے ہیں کہ رسول اللہ صلی اللہ علیہ وسلم نے فرمایا: ”مصیبت بولنے کے ساتھ جڑی ہوئی ہے۔“
تخریج الحدیث: موضوع، محمد بن یحیی بن عیسٰی بصری متہم بالوضع ہے۔
حدیث نمبر: 228 |
|
سیدنا علی رضی اللہ عنہ سے مروی ہے کہ بے شک نبی صلی اللہ علیہ وسلم نے فرمایا: ”مصیبت بولنے کے ساتھ جڑی ہوئی ہے۔“
تخریج الحدیث: موضوع، عبدالملک بن ہارون کذاب ہے۔
158. الصِّيَامُ نِصْفُ الصَّبْرِ وَعَلَى كُلِّ شَيْءٍ زَكَاةٌ، وَزَكَاةُ الْجَسَدِ الصِّيَامُ
158. روزہ نصف صبر ہے اور ہر چیز پر زکوۃ ہے اور جسم کی زکوۃ روزہ ہے
حدیث نمبر: 229 |
|
سیدنا ابوہریرہ رضی اللہ عنہ کہتے ہیں کہ رسول اللہ صلی اللہ علیہ وسلم نے فرمایا: ”روزہ نصف صبر ہے اور ہر چیز پر زکوۃ ہے اور جسم کی زکوۃ روزہ ہے۔“
تخریج الحدیث: «إسناده ضعيف، وأخرجه ابن ماجه: 1745، وشعب الايمان: 3300» موسیٰ بن عبیده ضعیف ہے۔
وضاحت:
فائدہ:
بنو سلیم کے ایک آدمی سے مروی ہے کہ رسول اللہ صلی اللہ علیہ وسلم نے ان (چیزوں) کو میرے ہاتھ یا اپنے ہاتھ پر شمار کیا، فرمایا: ”سبحان اللہ کہنا نصف میزان ہے اور الحمد للہ اسے بھر دیتا ہے اور اللہ اکبر زمین و آسمان کے درمیان کو بھر دیتا ہے اور روزہ نصف صبر ہے جبکہ طہارت نصف ایمان ہے۔“ [ترمذي: 3519، حسن]
فائدہ:
بنو سلیم کے ایک آدمی سے مروی ہے کہ رسول اللہ صلی اللہ علیہ وسلم نے ان (چیزوں) کو میرے ہاتھ یا اپنے ہاتھ پر شمار کیا، فرمایا: ”سبحان اللہ کہنا نصف میزان ہے اور الحمد للہ اسے بھر دیتا ہے اور اللہ اکبر زمین و آسمان کے درمیان کو بھر دیتا ہے اور روزہ نصف صبر ہے جبکہ طہارت نصف ایمان ہے۔“ [ترمذي: 3519، حسن]
159. الصَّائِمُ لَا تُرَدُّ دَعْوَتُهُ
159. روزہ دار کی دعا رد نہیں ہوتی
حدیث نمبر: 230 |
|
سیدنا ابوہریرہ رضی اللہ عنہ کہتے ہیں کہ رسول اللہ صلی اللہ علیہ وسلم نے فرمایا: ”روزہ دار کی دعا رد نہیں ہوتی۔“
تخریج الحدیث: «إسناده حسن، وأخرجه ترمذي: 3598، وابن ماجه: 1752»
وضاحت:
تشریح: -
اس حدیث میں روزہ دار کی فضیلت بیان فرمائی گئی ہے، صبح صادق سے لے کر شام غروب آفتاب تک کھانے پینے، وظیفہ زوجیت اور دیگر ممنوع امور سے باز رہنے کا نام روزہ ہے۔ روزہ دار کے لیے یہ کتنی فضیلت کی بات ہے کہ اس طویل وقت (صبح صادق تا غروب آفتاب) تک اس کے لیے اللہ تعالیٰ کی طرف سے قبولیت دعا کا وعدہ ہے۔ لہٰذا اسے چاہیے کہ اس سنہری موقع سے فائدہ اٹھاتے ہوئے اس میں دنیا وآخرت کی ا بھلائی مانگے۔
تشریح: -
اس حدیث میں روزہ دار کی فضیلت بیان فرمائی گئی ہے، صبح صادق سے لے کر شام غروب آفتاب تک کھانے پینے، وظیفہ زوجیت اور دیگر ممنوع امور سے باز رہنے کا نام روزہ ہے۔ روزہ دار کے لیے یہ کتنی فضیلت کی بات ہے کہ اس طویل وقت (صبح صادق تا غروب آفتاب) تک اس کے لیے اللہ تعالیٰ کی طرف سے قبولیت دعا کا وعدہ ہے۔ لہٰذا اسے چاہیے کہ اس سنہری موقع سے فائدہ اٹھاتے ہوئے اس میں دنیا وآخرت کی ا بھلائی مانگے۔