ابراہیم (اس شخص کے بارے میں جس کا پیشاب رانوں یا پنڈلیوں پر لگ جائے) فرماتے ہیں کہ وہ اس پر پانی چھڑک لے۔ [مصنف ابن ابي شيبه/كتاب الطهارة/حدیث: 1351]

حضرت سعید بن المسیب فرماتے ہیں کہ چھڑک کے بدلے چھڑکنا ہے بہاؤ کے بدلے بہانا ہے۔ [مصنف ابن ابي شيبه/كتاب الطهارة/حدیث: 1352]

حضرت ابراہیم فرماتے ہیں کہ پیشاب کو ایک یا دو مرتبہ صاف کیا جائے گا۔ [مصنف ابن ابي شيبه/كتاب الطهارة/حدیث: 1353]

حضرت عائشہ رضی اللہ عنہا فرماتی ہیں کہ فاطمہ بنت ابی حبیش نبی صلی اللہ علیہ وآلہ وسلم کی خدمت میں حاضر ہوئیں اور عرض کیا کہ میں ایک مستحاضہ عورت ہوں اور میں پاک نہیں ہوتی تو کیا میں نماز چھوڑ دوں۔ آپ صلی اللہ علیہ وآلہ وسلم نے فرمایا کہ یہ ایک رگ کا خون ہے یہ حیض نہیں جب تمہیں حیض آئے تو نماز چھوڑ دو اور جب حیض چلا جائے تو خون دھو کر نماز پڑھو۔ [مصنف ابن ابي شيبه/كتاب الطهارة/حدیث: 1354]

حضرت عائشہ رضی اللہ عنہا فرماتی ہیں کہ فاطمہ بنت ابی حبیش نبی صلی اللہ علیہ وآلہ وسلم کی خدمت میں حاضر ہوئیں اور عرض کیا کہ میں ایک مستحاضہ عورت ہوں اور میں پاک نہیں ہوتی تو کیا میں نماز چھوڑ دوں۔ آپ صلی اللہ علیہ وآلہ وسلم نے فرمایا کہ یہ ایک رگ کا خون ہے یہ حیض نہیں حیض کے دنوں میں نماز چھوڑ دو، پھر غسل کرو اور ہر نماز کے لیے وضو کرو پھر نماز پڑھتی رہو خواہ خون چٹائی پر ٹپکتا رہے۔ [مصنف ابن ابي شيبه/كتاب الطهارة/حدیث: 1355]

حضرت ام سلمہ فرماتی ہیں کہ ایک عورت نے حضور صلی اللہ علیہ وآلہ وسلم سے عرض کیا کہ میں ایک مستحاضہ عورت ہوں اور پاک نہیں ہوتی تو کیا میں نماز چھوڑ دوں، حضور صلی اللہ علیہ وآلہ وسلم نے فرمایا نہیں بلکہ حیض کے دن اور راتوں میں نماز چھوڑے رکھو پھر غسل کرو، خون روکنے کے لیے کپڑا باندھو اور نماز پڑھو۔ البتہ ابن نمیر کی روایت میں ہے کہ حضرت ام سلمہ نے حضور صلی اللہ علیہ وآلہ وسلم سے ایک ایسی عورت کے بارے میں مسئلہ پوچھا جس کا خون بہتا رہتا ہو، تو آپ صلی اللہ علیہ وآلہ وسلم نے فرمایا کہ وہ اتنے دن اور راتیں انتظار کرے جتنے دنوں میں اسے حیض آیا کرتا تھا، یا مہینے میں ان کے برابر۔ پھر انہوں نے ابو اسامہ کی حدیث جیسی بات ذکر کی۔ [مصنف ابن ابي شيبه/كتاب الطهارة/حدیث: 1356]

حضرت عکرمہ فرماتے ہیں کہ حضرت ام حبیبہ بنت جحش مستحاضہ ہوگئیں تو انہوں نے حضور صلی اللہ علیہ وآلہ وسلم سے سوال کیا، یا ان کے بارے میں حضور صلی اللہ علیہ وآلہ وسلم سے سوال کیا گیا۔ آپ صلی اللہ علیہ وآلہ وسلم نے فرمایا کہ وہ اپنے حیض کے دنوں کا خیال رکھے، پھر غسل کرے، اس کے بعد اگر کچھ نظر آئے تو وضو کرے، کوئی کپڑا باندھے اور نماز پڑھ لے۔ [مصنف ابن ابي شيبه/كتاب الطهارة/حدیث: 1357]

حضرت سلیمان بن یسار فرماتے ہیں کہ حضرت فاطمہ بنت ابی حبیش مستحاضہ ہوگئیں۔ ان کے بارے میں حضور صلی اللہ علیہ وآلہ وسلم سے پوچھا گیا تو آپ صلی اللہ علیہ وآلہ وسلم نے فرمایا کہ حیض کے دنوں میں نماز کو چھوڑے رکھیں پھر غسل کریں کوئی کپڑا باندھیں اور نماز پڑھ لیں۔ [مصنف ابن ابي شيبه/كتاب الطهارة/حدیث: 1358]

حضرت ابو جعفر فرماتے ہیں کہ رسول اللہ صلی اللہ علیہ وآلہ وسلم نے مستحاضہ کو حکم دیا ہے کہ جب اس کے حیض کے دن گزر جائیں تو غسل کرے اور ہر نماز کے لیے وضو کر کے نماز پڑھے۔ [مصنف ابن ابي شيبه/كتاب الطهارة/حدیث: 1359]

حضرت شعبی فرماتے ہیں کہ حضرت مسروق کی اہلیہ نے حضرت عائشہ رضی اللہ عنہا سے مستحاضہ کے بارے میں سوال کیا تو فرمایا کہ وہ ہر نماز کے لیے وضو کرے اور کپڑا باندھ کر نماز پڑھے۔ [مصنف ابن ابي شيبه/كتاب الطهارة/حدیث: 1360]