حسن فرمایا کرتے تھے کہ جرابیں اور جوتیاں موزوں کی طرح ہیں، اور وہ ان میں سے ایک کو چھوڑ کر صرف دوسرے پر مسح کرنا درست نہیں سمجھتے تھے۔ [مصنف ابن ابي شيبه/كتاب الطهارة/حدیث: 2011]

حضرت ابن عمر رضی اللہ عنہما فرماتے ہیں کہ جرابوں پر مسح کرنا موزوں پر مسح کرنے کی طرح ہے۔ [مصنف ابن ابي شيبه/كتاب الطهارة/حدیث: 2012]

حضرت زید فرماتے ہیں کہ حضرت علی رضی اللہ عنہ نے پیشاب کیا اور جوتیوں پر مسح فرمایا۔ [مصنف ابن ابي شيبه/كتاب الطهارة/حدیث: 2013]

حضرت ابو جعفر فرماتے ہیں کہ جوتیوں پر مسح نہیں کیا جائے گا۔ [مصنف ابن ابي شيبه/كتاب الطهارة/حدیث: 2014]

حضرت اوس بن ابی اوس فرماتے ہیں کہ میں اپنے والد کے ساتھ دیہاتیوں کے ایک چشمے پر گیا۔ انہوں نے وہاں وضو کیا اور جوتیوں پر مسح کیا، پھر میں نے ان سے اس بارے میں سوال کیا تو انہوں نے فرمایا کہ میں نے رسول اللہ صلی اللہ علیہ وآلہ وسلم کو یونہی کرتے دیکھا ہے۔ [مصنف ابن ابي شيبه/كتاب الطهارة/حدیث: 2015]

حضرت ابو ظبیان کہتے ہیں کہ میں نے حضرت علی رضی اللہ عنہ کو دیکھا کہ انہوں نے کھڑے ہو کر پیشاب کیا پھر وضو کیا اور جوتوں پر مسح فرمایا، پھر مؤذن نے اقامت کہی تو انہوں نے جوتے اتار دئیے۔ [مصنف ابن ابي شيبه/كتاب الطهارة/حدیث: 2016]

حضرت سوید بن غفلہ فرماتے ہیں کہ حضرت علی رضی اللہ عنہ نے پیشاب کیا اور جوتوں پر مسح فرمایا۔ [مصنف ابن ابي شيبه/كتاب الطهارة/حدیث: 2017]

حضرت ابو ظبیان فرماتے ہیں کہ میں نے حضرت علی رضی اللہ عنہ کو مقام رحب میں پیشاب کرتے دیکھا پھر انہوں نے وضو کیا اور جوتوں پر مسح فرمایا۔ [مصنف ابن ابي شيبه/كتاب الطهارة/حدیث: 2018]

حضرت یزید بن ابی زیاد فرماتے ہیں کہ میں نے ابراہیم کو نمدے کے بنے ہوئے جرموق پہنے ہوئے دیکھا انہوں نے ان پر مسح بھی فرمایا۔ [مصنف ابن ابي شيبه/كتاب الطهارة/حدیث: 2019]

حضرت حسن سے سوال کیا گیا کہ اگر جنبی کو اتنا پسینہ آئے کہ کپڑے سے ٹپکنے لگے تو اس کا کیا حکم ہے؟ فرمایا انہی کپڑوں میں نماز پڑھ سکتا ہے۔ [مصنف ابن ابي شيبه/كتاب الطهارة/حدیث: 2020]