ابراہیم سے بھی اسی طرح منقول ہے۔ [مصنف ابن ابي شيبه/أول العيدين/حدیث: 5819]

حضرت شعبی فرماتے ہیں کہ حضرت عبداللہ رضی اللہ عنہ عید الفطر اور عید الاضحی کے لئے نو نو تکبیرات کہتے تھے، پانچ پہلی رکعت میں اور چار دوسری میں اور دونوں کی قرائتوں کو ملایا کرتے تھے۔ [مصنف ابن ابي شيبه/أول العيدين/حدیث: 5820]

یہ (اگلی) روایت عبد اللہ بن ابی موسیٰ سے بھی منقول ہے۔ [مصنف ابن ابي شيبه/أول العيدين/حدیث: 5821]

ابراہیم سے روایت ہے کہ کوفہ کے امراء میں سے ایک امیر نے (حضرت سفیان فرماتے ہیں کہ ایک راوی نے کہا کہ وہ سعید بن عاص تھے اور دوسرے نے کہا کہ ولید بن عقبہ تھے) حضرت عبد اللہ بن مسعود، حضرت حذیفہ بن یمان اور حضرت عبد اللہ بن قیس رضی اللہ عنہم کو پیغام بھیجا اور کہا کہ یہ عید آگئی ہے، آپ حضرات کی کیا رائے ہے؟ ان سب نے یہ معاملہ حضرت عبد اللہ کے سپرد کردیا تو انہوں نے فرمایا کہ نو تکبیرات کہے: ایک تکبیر جس سے نماز شروع کرے، پھر تین تکبیرات کہے، پھر ایک سورت پڑھے، پھر تکبیر کہے، پھر رکوع کرے، پھر کھڑا ہو کر ایک سورت پڑھے، پھر چار تکبیرات کہے اور ان میں سے ایک کے ساتھ رکوع کرے۔ [مصنف ابن ابي شيبه/أول العيدين/حدیث: 5822]

حضرت حارث فرماتے ہیں کہ حضرت علی رضی اللہ عنہ عید الفطر کی نماز میں گیارہ تکبیریں کہتے تھے۔ چھ پہلی رکعت میں اور پانچ دوسری رکعت میں۔ دونوں رکعتوں کو قرائت سے شروع فرماتے۔ آپ عید الاضحی میں پانچ تکبیرات کہا کرتے تھے، تین پہلی رکعت میں اور دو آخری رکعت میں۔ دونوں رکعتوں کو قرائت سے شروع کیا کرتے تھے۔ [مصنف ابن ابي شيبه/أول العيدين/حدیث: 5823]

حضرت عطاء فرماتے ہیں کہ حضرت ابن عباس رضی اللہ عنہما تیرہ مرتبہ تکبیر کہا کرتے تھے۔ [مصنف ابن ابي شيبه/أول العيدين/حدیث: 5824]

حضفرت عطاء فرماتے ہں م کہ حضرت ابن عباس رضی اللہ عنہما نے عید کی نماز میں تیرہ مرتبہ تکبیرات کہیں، سات مرتبہ پہلی رکعت میں اور چھ مرتبہ دوسری رکعت میں۔ [مصنف ابن ابي شيبه/أول العيدين/حدیث: 5825]

حضرت نافع فرماتے ہیں کہ حضرت ابوہریرہ نے پہلی رکعت میں سات اور دوسری رکعت میں پانچ تکبیرات کہیں، سب کی سب قرائت سے پہلے تھیں۔ [مصنف ابن ابي شيبه/أول العيدين/حدیث: 5826]

حضرت عطاء فرماتے ہیں کہ حضرت ابن عباس رضی اللہ عنہما نے عید کی نماز کی پہلی رکعت میں تکبیر تحریمہ سمیت سات تکبیرات اور دوسری رکعت میں رکوع کی تکبیر سمیت چھ تکبیرات کہیں، یہ سب زائد تکبیرات قرائت سے پہلے تھیں۔ [مصنف ابن ابي شيبه/أول العيدين/حدیث: 5827]

حضرت ابن عباس رضی اللہ عنہما فرماتے ہیں کہ ولید بن عقبہ نے عید کی رات حضرت ابن مسعود، حضرت ابو مسعود، حضرت حذیفہ رضی اللہ عنہ اور حضرت ابو موسیٰ اشعری کو بلایا اور ان سے کہا کہ کل عید ہے، تکبیرات کیسے کہنی ہیں؟ حضرت عبد اللہ نے فرمایا کہ تم قیام میں چار تکبیرات کہو، پھر سورت فاتحہ پڑھو اور مفصل میں سے کوئی سورت پڑھو جو نہ بہت لمبی ہو نہ بہت مختصر، پھر رکوع کرو، پھر قیام میں قرائت کرو، جب قرائت سے فارغ ہو جاؤ تو چار تکبیریں کہو، چوتھی تکبیر پر رکوع کرو۔ [مصنف ابن ابي شيبه/أول العيدين/حدیث: 5828]