حضرت ابو الاحوص فرماتے ہیں کہ حضرت عبداللہ ایام تشریق میں یہ تکبیرات کہا کرتے تھے: اللَّہُ أَکْبَرُ اللَّہُ أَکْبَرُ لاَ إِلَہَ إِلاَّ اللَّہُ، وَاللَّہُ أَکْبَرُ اللَّہُ أَکْبَرُ وَلِلَّہِ الْحَمْدُ۔ [مصنف ابن ابي شيبه/أول العيدين/حدیث: 5769]

حضرت اسود فرماتے ہیں کہ حضرت عبداللہ یوم عرفہ کی نماز فجر سے یوم نحر کی نماز عصر تک تکبیرات کہا کرتے تھے۔ آگے حضرت وکیع کی حدیث جیسے الفاظ ذکر کئے۔ [مصنف ابن ابي شيبه/أول العيدين/حدیث: 5770]

حضرت شریک کہتے ہیں کہ میں نے ابو اسحاق سے کہا کہ حضرت علی رضی اللہ عنہ اور حضرت عبد اللہ کیسے تکبیرات کہا کرتے تھے؟ انہوں نے فرمایا کہ ان کی تکبیرات کے الفاظ یہ تھے: اللَّہُ أَکْبَرُ اللَّہُ أَکْبَرُ لاَ إِلَہَ إِلاَّ اللَّہُ، وَاللَّہُ أَکْبَرُ اللَّہُ أَکْبَرُ وَلِلَّہِ الْحَمْدُ۔ [مصنف ابن ابي شيبه/أول العيدين/حدیث: 5771]

حضرت حسن تین مرتبہ اللہ اکبر کہا کرتے تھے۔ [مصنف ابن ابي شيبه/أول العيدين/حدیث: 5772]

حضرت ابن عباس رضی اللہ عنہما کی تکبیرات کے الفاظ یہ تھے: اللَّہُ أَکْبَرُ کَبِیرًا اللَّہُ، أَکْبَرُ کَبِیرًا اللَّہُ، أَکْبَرُ وَأَجَلُّ، اللَّہُ أَکْبَرُ وَلِلَّہِ الْحَمْدُ۔ [مصنف ابن ابي شيبه/أول العيدين/حدیث: 5773]

حضرت جابر بن سمرہ فرماتے ہیں کہ میں نے رسول اللہ صلی اللہ علیہ وآلہ وسلم کے ساتھ کئی مرتبہ عیدین کی نمازیں بغیر اذان اور بغیر اقامت کے پڑھی ہیں۔ [مصنف ابن ابي شيبه/أول العيدين/حدیث: 5774]

حضرت جابر فرماتے ہیں کہ میں رسول اللہ صلی اللہ علیہ وآلہ وسلم کے ساتھ بغیر اذان اور بغیر اقامت کے عیدین کی نمازوں میں شریک ہوا ہوں۔ [مصنف ابن ابي شيبه/أول العيدين/حدیث: 5775]

حضرت جابر فرماتے ہیں کہ حضور صلی اللہ علیہ وآلہ وسلم نے عید کی نماز بغیر اذان اور بغیر اقامت کے پڑھائی۔ [مصنف ابن ابي شيبه/أول العيدين/حدیث: 5776]

حضرت ابن عباس رضی اللہ عنہما نے فرمایا کہ نبی صلی اللہ علیہ وآلہ وسلم نے لوگوں کو کثیر بن الصلت کے گھر کے پاس عید کی نماز پڑھائی جس میں خطبہ سے پہلے نماز پڑھائی۔ حضرت ابن عباس رضی اللہ عنہما نے اذان اور اقامت کا ذکر نہ کیا۔ [مصنف ابن ابي شيبه/أول العيدين/حدیث: 5777]

حضرت سماک کہتے ہیں کہ میں نے مغیرہ بن شعبہ، ضحاک اور زیاد کو دیکھا کہ وہ عید الفطر اور عید الاضحی کی نمازیں بغیر اذان اور بغیر اقامت کے پڑھاتے تھے۔ [مصنف ابن ابي شيبه/أول العيدين/حدیث: 5778]