حضرت عامر بن سعد سے اسی کے مثل منقول ہے۔ [مصنف ابن ابي شيبه/كتاب الجنائز/حدیث: 12510]

حضرت ابو ہریرہ رضی اللہ عنہ سے مروی ہے کہ نبی کریم صلی اللہ علیہ وآلہ وسلم کے پاس سے ایک جنازہ گزرا جس کے ساتھ رونے والی عورتیں بھی تھیں میں اور حضرت عمر بھی حضور صلی اللہ علیہ وآلہ وسلم کے ساتھ تھے، حضرت عمر نے جنازے کے ساتھ رونے والیوں کو ڈانٹا تو حضور صلی اللہ علیہ وآلہ وسلم نے فرمایا: اے خطاب کے بیٹے! ان کو چھوڑ دو، بیشک نفس مصیبت زدہ ہے، اور آنکھیں آنسو بہا رہی ہیں اور صدمہ ابھی تازہ ہے۔ [مصنف ابن ابي شيبه/كتاب الجنائز/حدیث: 12511]

حضرت ابو ہریرہ رضی اللہ عنہ سے اسی کے مثل منقول ہے۔ [مصنف ابن ابي شيبه/كتاب الجنائز/حدیث: 12512]

حضرت جابر سے مروی ہے کہ نبی کریم صلی اللہ علیہ وآلہ وسلم نے حکم فرمایا مقتولوں کو (ان کی لاش کو) جہاں وہ قتل ہوئے ہیں (میدان) وہاں لوٹا دو (جہاں قتل ہوئے ہیں وہیں ان کو دفناؤ)۔ [مصنف ابن ابي شيبه/كتاب الجنائز/حدیث: 12513]

حضرت عبد اللہ بن معیہ فرماتے ہیں کہ طائف کے دن دو مسلمان شہید ہوئے تو لوگ ان کی لاشوں کو اٹھا کر نبی کریم صلی اللہ علیہ وآلہ وسلم کے پاس لے جانے لگے، حضور صلی اللہ علیہ وآلہ وسلم کو اس کی اطلاع ملی تو آپ صلی اللہ علیہ وآلہ وسلم نے فرمایا جہاں شہید کیے گئے ہیں وہیں ان کو دفن کرو۔ [مصنف ابن ابي شيبه/كتاب الجنائز/حدیث: 12514]

حضرت منصور بن صفیہ اپنی والدہ سے روایت کرتے ہیں کہ وہ فرماتی ہیں: میں حضرت عائشہ رضی اللہ عنہا کے پاس ان کے بھائی کی تعزیت کے لیے آئی جس کا ایک جگہ انتقال ہوگیا تھا، ان کی میت کو دوسری جگہ لا کر دفن کردیا گیا تھا، آپ نے فرمایا: میرے دل میں اس کے متعلق کچھ نہیں ہے سوائے اس بات کے کہ میں چاہتی تھی کہ جہاں یہ فوت ہوئے ہیں وہیں ان کو دفن کردیا جاتا۔ [مصنف ابن ابي شيبه/كتاب الجنائز/حدیث: 12515]

حضرت جابر بن عبد اللہ رضی اللہ عنہ سے مروی ہے کہ نبی کریم صلی اللہ علیہ وآلہ وسلم نے ارشاد فرمایا: مردوں کو وہیں دفناؤ جہاں ان کی روح قبض کی جائے۔ [مصنف ابن ابي شيبه/كتاب الجنائز/حدیث: 12516]

حضرت بشیر بن الخصاصیہ سے مروی ہے کہ نبی کریم صلی اللہ علیہ وآلہ وسلم نے ایک شخص کو قبروں کے درمیان جوتے پہن کر چلتے ہوئے دیکھا تو فرمایا: اے جوتوں والے (گائے کی کھال کے جوتے والے) ان کو اتار دے۔ [مصنف ابن ابي شيبه/كتاب الجنائز/حدیث: 12517]

حضرت جریر بن حازم فرماتے ہیں کہ میں نے حضرت حسن اور حضرت ابن سیرین کو قبروں کے درمیان جوتے پہن کر چلتے ہوئے دیکھا۔ [مصنف ابن ابي شيبه/كتاب الجنائز/حدیث: 12518]

حضرت ابن طاؤس اپنے والد سے روایت کرتے ہیں کہ وہ قبرستان میں موجود کنووں سے پانی بھرنے کو مکروہ سمجھتے تھے۔ [مصنف ابن ابي شيبه/كتاب الجنائز/حدیث: 12519]